काठमाडौं– नेपाली कांग्रेसको केन्द्रीय समिति बैठकमा सहभागी हुन निवर्तमान सभापति शेरबहादुर देउवा पक्षीय केही नेता पार्टी केन्द्रीय कार्यालय सानेपा पुगेका छन् ।
१४औँ महाधिवेशनमा देउवा प्यानलबाट पदाधिकारी र केन्द्रीय सदस्य भएका र गत पुसमा विशेष महाधिवेशनमा सहभागी नभएका केही नेता बिहीबार केन्द्रीय समिति बैठकमा भाग लिन सानेपा पुगेका हुन् ।
यस्तै, केही डा. शेखर कोइरालानिकट रहेका नेताहरू पनि सहभागी हुँदैछन् ।
यसैक्रममा हालसम्म देउवा समूहमा रहेका नेताहरूमा महालक्ष्मी डिना उपाध्यक्ष, मीनबहादुर विश्वकर्मा, देवेन्द्रराज कँडेल, राजीवविक्रम शाह, ज्ञानेन्द्रबहादुर कार्की, मदनकृष्ण श्रेष्ठ, रामहरि खतिवडा, राधा घले, नैनसिंह महर, गोविन्द भट्टराई, जिपछिरिङ लामा, इश्वरी न्यौपाने, सरस्वती तिवारी, शान्ति बिक परियार, गणेश लामा सानेपा पुगेका छन् ।
यस्तै, डा. शेखरको समूहमा रहेकी किरण यादव पनि सानेपा पुगेकी छन् ।
देउवा समूहले छुट्टै महाधिवेशनको मिति घोषणा गरेका बेला उनीहरू भने संस्थापनतर्फ लागेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791107799.jpeg)
-1786602170.png)
