काठमाडौं- फिल्म रिलिजका सम्बन्धमा अस्वस्थ्य प्रतिस्पर्धाले गाँजिएको नेपाली फिल्मी बजारमा विगत केही सयमदेखि प्रायजसो प्रत्येक शुक्रबार फिल्म रिलिज हुँदै अाएका थिए। तर पछिल्ला दुई शुक्रबार भने कुनै पनि फिल्म रिलिज भएनन्। ५२ हप्ताको अन्तरालमा सयको हाराहारिमा रिलिज हुने नेपाली फिल्म बजारमा गत साता र यस साताको शुक्रबार कुनै पनि फिल्म रिलिज हुन सकेनन्।
_x000D_
_x000D_
पछिल्लो समय नेपाली फिल्मी बजारमा असोज २४ र ३० गतेबाट प्रर्दशनमा आएका फिल्महरु ‘छक्का पञ्जा–३’ र ‘जय भोले’ प्रर्दशनरत छन्। बलिउड फिल्म ‘बधाई हो’ तथा हलिउड फिल्म,‘रिच क्रेजी एसियन’ र ‘भेनम’ पनि नेपाली हलमा प्रदर्शनरत छन्।
_x000D_
_x000D_
एकाध बाहेक प्रत्येक हप्ता २ देखि ४ वटा नेपाली फिल्म प्रर्दशनमा आउने गर्दछन्। तर यो साता भने पुराना फिल्म मात्र प्रर्दशन भए। ठूला ब्यानरमा निमार्ण भएका दुई फिल्म प्रदर्शन भएको र दर्शकहरुले देखाएको उत्साहजनक उपस्थिति नै यसको कारक रहेको बताउछन् निर्माता माधव वाग्ले। उनी थप्छन्, ‘यस हप्ता फिल्म प्रर्दशनमा नआउनुको कारण भनेको ठूला ब्यानरका फिल्मका लागि अन्य फिल्महरु आउन नचाहनु पनि हो।’
_x000D_
_x000D_
आउदो शुक्रबारबाट भने उनै निर्माता वाग्ले र रेखा थापाको फिल्म क्रमशः ‘चङ्गा चेट’ र ‘मालिका’ एकसाथ प्रर्दशनमा आउँदै छन्। यस विषयमा वाग्ले भन्छन्,‘मेरो उद्देश्य भनेको तिहारलक्षित दर्शक हुन्। सोहीअनुसार योजना बनाएको पनि छु। अझ भन्ने हो भने मैले दुई फिल्महरु ‘छक्का पञ्जा–३’ र ‘जय भोले’लाई यो हप्ता प्रदर्शनका लागि छोडेको पनि हो। किनकी दर्शकको अपेक्षाअनुरुपका फिल्मका लागि एक/दुई हप्ता हलको आवश्यकता हुन्छ।
_x000D_
_x000D_
यही विषयमा फिल्म ‘मालिका’का लागि प्रदर्शन मिति पर्खेर बसेकी रेखा थापा भन्छिन्,‘मैले केही समयअघि नै फिल्म प्रर्दशनको मिति तय गरेकी थिएँ। त्यसमा हलहरुको पनि आफ्नै नियम हुन्छ सोहीअनुरुप अघि बढेकी हुँ।’
_x000D_
_x000D_
वाग्लेको विचारमा असहमत देखिन्छन् स्क्रिप्ट राइटर सामीप्यराज तिमिल्सिना। भन्छन्,‘दसैंको संघारमा रिलिज भएका राम्रा फिल्मका लागि दुई-तीन हप्ता दर्शकको माग र हलको आवश्यकता रहनु सामान्य हो। तर उक्त फिल्म प्रर्दशनमा रहँदा अन्य नयाँ फिल्म आउन नसक्नु भनेको निर्माताले प्रदर्शनका लागि आँट गर्न नसक्नु हो। अर्थात् प्रदर्शनरत फिल्महरुसँग प्रतिस्पर्धाको क्षमता राख्न नसक्नु हो।’
_x000D_
_x000D_
तिमिल्सिना यस विषयलाई प्रस्ट्याउँदै थप्छन्,‘सामान्यतया दुई–तिन हप्तासम्म रहन पाए चल्ने थियो कि भन्ने भ्रम रहँदै आएको छ। तर फिल्म चल्नका लागि प्रर्दशन मिति र अवधिभन्दा पनि दर्शकको मन जित्न सक्ने विषय र प्रस्तुति आवश्यक छ। यस्तो भएमा फिल्मले आफ्नो गति आफैं तय गर्न सक्छ।’
_x000D_
_x000D_
यता कात्तिक १६ गतेबाट रेखा थापा र माधव वाग्लेका दुई फिल्मको प्रदर्शन अवधि भने करीब १ हप्ताको मात्र हुने अड्कल काट्न सकिन्छ। किनभने कात्तिक २२ गतेबाट भने बलिउड अभिनेता अमिरखानको फिल्म ‘ठग्स अफ हिन्दुस्तान’ प्रर्दशनमा आउँदै छ। उक्त फिल्मले नेपाली बजारमा राम्रै प्रभाव जमाउने प्रतिक्रिया फिल्मकर्मीहरुले राख्दै आएका छन्।
_x000D_
_x000D_
यता तिमिल्सिनाले भनेझैं नेपाली फिल्म‘चङ्गा चेट’ र ‘मालिका’ले नेपाली दर्शकको मन जित्न सके आमिरको ‘ठग्स अफ हिन्दुस्तान’को नेपाल यात्रा सफल नै होला भन्ने अवस्था भने रहन्न।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762500283.png)
