पोखरा– पोखरेली साहित्यिक संस्थाको मासिक साहित्यिक अभियान अक्षरयात्राको १२५औं शृंखलामा सर्जकहरुले लोककवि अलिमियाँको सम्झना गरे।
महिनाको तेस्रो शनिबार देशका विभिन्न ठाउँमा हुँदै आएको अक्षरयात्राको भदौको शृंखला बकर इदको समेत अवसर पारेर अलिमियाँको गाउँ पोखरा १३ स्थित मियाँपाटनमा गरियो।
गजल सन्ध्या पोखरा र नवनीत साहित्य सागरले गर्दै आएको अक्षरयात्रामा सहभागी सर्जकहरुले अलिमियाँको सम्झना, देशको अवस्था चित्रण गरिएको सिर्जना सुनाउँदै बकर–इदको शुभकामना साटासाट समेत गरेका थिए।
कार्यक्रममा लोकगायिका हरिदेवी कोइरालाले अलिमियाँले लेखेको र आफैंले गाएको ‘आकाशमा बादलु टम्मै छ, मनमा के छ भन्नेलाई सम्मै छ’ गीत गाएर अलिमियाँको सम्झना गरिन् । अक्षरयात्रीले आफ्ना सिर्जनामा मियाँपाटनका चौतारा, कुँडहर फाँट र लोककवि अलिमियाले गाउने गीतलाई समेट्नुका साथै कला–संस्कृतिको मौलिकता संरक्षणमा जोड दिएका थिए।
अलिमिया वाङमय प्रतिष्ठानका अध्यक्ष हनिफ मियाँले कार्यक्रममा स्वागत गर्दै अक्षरयात्राले अलिमियाको सम्मान र सम्झना गरेकोमा धन्यवाद दिए । यस्तै, अरण्यज्योति पुस्तकालयका अध्यक्ष राजेन्द्र भण्डारीले यस्ता साहित्यिक अभियानले कला-संस्कृतिको सम्मान तथा स्थानीय मौलिकता उजागर गर्ने बताउँदै शुभकामना दिए ।
सन्ध्याका अध्यक्ष सुवेदी र वाङ्मय प्रतिष्ठानका अध्यक्ष हनिफको अध्यक्षतामा भएको अक्षरयात्राको यो शृंखलामा ३० जनाले रचना सुनाएका थिए ।
कार्यक्रममा डा. वसन्त गौतम, सरस्वती श्रेष्ठ सरु, त्रुपक, खिम लामिछाने, शिवराज गौतम, धर्मराज पौडेल, दीपक त्रिपाठी, प्रकाश पौडेल ‘शिरीष’, सञ्जीव पौडेल, प्राञ्जल, रिता अधिकारी, वसन्त गौतम, मिर्मिसा पराजुली, तुलसी प्रभास, गीता पहारी, विकास मगर, ऐशान अलि लगायतले रचना वाचन गरेका थिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764421784.jpg)
-1764421490.jpeg)
-1764416325.jpg)
-1764146706.png)
-1763721444.png)
-1763559424.jpg)
-1764080971.png)
