काठमाडौं- राजधानीका दर्शकसँग स्वयम्भूमा जम्काभेटपछि नेपथ्य ब्यान्ड अब उसका पुराना प्रशंसकहरुको क्षेत्र भारतको सिक्किमतर्फ प्रस्थान गर्ने भएको छ।
_x000D_
_x000D_
सिक्किमको राबाङमा आगामी मंगलबार ब्यान्डले नेपाली लोकरक घन्काउनेछ। राज्यको दक्षिणवर्ती भेगमा पर्ने यस पर्यटकीय गन्तव्यमा अक्टोबर २८ तारिख (कात्तिक ११) देखि ‘राबाङ टुरिज्म फेस्टिभल’ आयोजना हुन लागेको छ। पहाडमाथिको सुन्दर ताल छेवैमा आयोजित तीनदिने महोत्सवको उद्घाटन सिक्किमका मुख्यमन्त्री पवन चामलिङबाट हुनेछ। महोत्सवको समापन भने ३० तारिख (कात्तिक १३) का दिन नेपथ्यको प्रस्तुतिबाटै गर्ने कार्यक्रम आयोजकले तय गरेका छन्।
_x000D_
_x000D_
मंगलबार बेलुकी नेपथ्य कन्सर्ट राबाङको छो जो लेकमा आयोजना हुनेछ।
_x000D_
_x000D_
केही साताअघि मात्रै पहिलो विमानस्थल सञ्चालनमा आएपछि सिक्किम यतिबेला भारत र छेउछाउका गन्तव्यबाट घुम्न चाहने पर्यटकहरुको केन्द्र बन्दै गएको छ। राजधानी गान्तोकबाट २९ किलोमिटरको दुरीमा अवस्थित पाक्योंगमा तयार भएको विमानस्थलको उद्घाटन भारतीय प्रधानमन्त्री नरेन्द्र मोदीले गरेका थिए।
_x000D_
_x000D_
संयोगले उक्त विमानस्थल बनाउने चरणमै पाक्योंगले केही वर्षअघि नेपथ्यलाई निम्त्याएको थियो।
_x000D_
_x000D_
'सिक्किमका डाँडाकाँडामा नेपथ्यको संगीत गुन्जँदै आएको छ। नेपथ्यको संगीत यहाँका युवा र प्रौढ सबै पिँढीमाझ लोकप्रिय छ,' राबाङ पर्यटन महोत्सवका अध्यक्ष जिग्मे वाङचुक भुटिया भन्छन्, 'रेडियो टिभीमा सुन्दै हेर्दै आएको लोकप्रिय समूहलाई राबाङमा प्रत्यक्ष हेर्न सुन्न हामी आतुर छौं।'
_x000D_
_x000D_
सधैंजस्तै सिक्किममा पनि अमृतलाई ड्रममा ध्रुव लामा, किबोर्डमा सुरज थापा, बेस गितारमा सुविन शाक्य, गितारमा निरज गुरुङ र मादलमा शान्ति रायमाझीले सघाउनेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762500283.png)
