काठमाडौं– भोटेकोशी बाढीबाट भएको ठूलो जनधनको क्षतिपछि सरकारले अन्तर्राष्ट्रिय हानी नोक्सानी कोषसँग आपतकालीन वित्तीय सहयोग मागेको छ।
अर्थमन्त्री डा. स्वर्णिम वाग्ले र कृषि वन तथा पर्यावरणमन्त्री गीता चौधरीको संयुक्त हस्ताक्षरमा कोषका बोर्ड सह–अध्यक्षलाई पत्र पठाइएको हो।
सरकारले भोटेकोशी बाढीलाई उच्च हिमाली क्षेत्रबाट सुरु भएको चरम जलवायुजन्य विपद् भन्दै क्षतिको परिमाण नेपालको आन्तरिक स्रोतले तत्काल सम्बोधन गर्न सक्ने क्षमताभन्दा धेरै रहेको जनाएको छ।
कोषको नियमित बैठक डिसेम्बरमा हुने भएकाले त्यसअघि नै विशेष निर्णयमार्फत आपतकालीन सहयोग उपलब्ध गराउन पत्रमा आग्रह गरिएको छ। प्राप्त सहयोगबाट खोजी, उद्धार, राहत, अत्यावश्यक सेवा पुनःस्थापना तथा प्रभावित नागरिकको सुरक्षा सुनिश्चित गर्न मद्दत पुग्ने सरकारको अपेक्षा छ।
सरकारले बाढीको प्रारम्भिक मूल्यांकन, आधिकारिक तथ्यांक, भू–उपग्रहबाट प्राप्त सूचना तथा क्षेत्रगत क्षतिको विवरण उपलब्ध गराउन तयार रहेको जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
