काठमाडौं– राष्ट्रिय स्वतन्त्र पार्टी (रास्वपा) का सभापति रवि लामिछानेले राष्ट्रपति रामचन्द्र पौडेलसँग भेट गरी भोटेकोशी हुँदै त्रिशूली नदीमा आएको बाढीबाट भएको क्षति तथा उद्धार र राहतका लागि भइरहेका गतिविधिबारे जानकारी गराएका छन्।
सोमबार राष्ट्रपति पौडेलसँग भएको भेटमा लामिछानेले बाढी प्रभावित क्षेत्रमा देखिएको अवस्था, भएको क्षति तथा पीडितको उद्धार र राहतका लागि भइरहेका प्रयासबारे ब्रिफिङ गरेका हुन्।
रास्वपाका अनुसार लामिछानेले आजै प्रधानमन्त्री बालेन्द्र शाहसँग भेट गरी सरकारले बाढीपछिको संकट व्यवस्थापनका लागि गरिरहेका कामबारे जानकारी लिएका थिए। प्रधानमन्त्रीसँगको भेटपछि प्राप्त जानकारी र प्रभावित क्षेत्रको अवस्थाबारे उनले राष्ट्रपतिलाई अवगत गराएका हुन्।
भोटेकोशी नदीमा आएको भीषण बाढी त्रिशूली नदी हुँदै विभिन्न क्षेत्रमा फैलिएपछि ठूलो जनधनको क्षति भएको छ। बाढीका कारण केही नागरिक बेपत्ता भएका छन् भने सडक, पुल, जलविद्युत् आयोजना तथा अन्य भौतिक संरचनामा समेत क्षति पुगेको छ।
लामिछानेले विपद्को अवस्थामा खोजी तथा उद्धारलाई तीव्र बनाउँदै प्रभावित नागरिकसम्म राहत पुर्याउन आवश्यक समन्वय र प्रभावकारी पहलमा जोड दिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
