काठमाडौं– अष्ट्रेलियाले भोटेकोशी बाढीबाट प्रभावितलाई मानवीय सहायता, आवश्यक उपकरण र जनशक्ति पठाउने भएको छ।
अष्ट्रेलिया सरकारले आगामी केही दिनभित्र अष्ट्रेलियन एयर फोर्सको सी–१७ ए ग्लोबमास्टर–३ विमान नेपालतर्फ प्रस्थान गर्ने जनाएको छ। विमानमा बाढी प्रभावित समुदायका लागि आवश्यक मानवीय राहत सामग्री, उपकरण तथा सहयोगी जनशक्ति रहनेछन्।
अष्ट्रेलियन सरकारले बाढीपछि नेपालमा सम्पर्कविहीन रहेका आफ्ना नागरिकका परिवार तथा आफन्तप्रति समवेदना व्यक्त गर्दै उनीहरूको खोजी तथा उद्धारका लागि नेपालसँग निरन्तर सहकार्य गरिरहेको जनाएको छ।
अष्ट्रेलियाले नेपालमा आवश्यक पर्ने स्थानमा सहायता पुर्याउन आगामी दिनमा पनि सहकार्य जारी राख्ने प्रतिबद्धता जनाएको छ।
भोटेकोशी नदीमा आएको भीषण बाढीका कारण रसुवासहित विभिन्न जिल्लामा ठूलो जनधनको क्षति भएको छ। बाढी प्रभावित क्षेत्रमा खोजी, उद्धार, राहत तथा पुनःस्थापनाका लागि नेपाललाई विभिन्न देश तथा अन्तर्राष्ट्रिय संस्थाबाट सहयोग प्राप्त हुने क्रम जारी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
