काठमाडौं– राष्ट्रपति रामचन्द्र पौडेलले रसुवा र नुवाकोट हुँदै बहने भोटेकोशी नदीमा बुधबार बिहान अकस्मात आएको बाढीबाट भएको धनजनको क्षतिप्रति गहिरो दुःख व्यक्त गरेका छन्।
राष्ट्रपति पौडेलले बाढीबाट भएको क्षतिको खबरले आफूलाई अत्यन्त दुःखी बनाएको बताउँदै विपद्को यस घडीमा उद्धार तथा राहत कार्यलाई तीव्रता दिन सरकार, राजनीतिक दल, सामाजिक संघसंस्था, सुरक्षा निकायलगायत सम्पूर्ण सम्बन्धित निकाय र आम नागरिकलाई आह्वान गरेका छन्।
उहाँले बाढीको जोखिममा रहेका तल्लो तटीय क्षेत्रका सर्वसाधारणलाई उच्च सतर्कता अपनाउँदै सुरक्षित रहन आग्रह गरे। साथै, आवश्यक समन्वय र सहयोगमार्फत विपद् प्रभावितको उद्धार तथा राहतमा जुट्न पनि उनले सबैमा अपिल गरेका छन्।
भोटेकोशी नदीमा आएको आकस्मिक बाढीका कारण रसुवा र नुवाकोटका विभिन्न क्षेत्रमा जनधन तथा भौतिक संरचनामा क्षति पुगेको छ। बाढीको प्रभाव तल्लो तटीय क्षेत्रमा समेत पर्न सक्ने भएकाले सम्बन्धित निकायले सर्वसाधारणलाई सतर्क रहन आग्रह गर्दै आएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
