काठमाडौं– जबरजस्ती करणी तथा विद्युतीय कारोबार ऐनसम्बन्धी कसुरमा फरार रहेका झापाका एक प्रतिवादीलाई ओमनबाट पक्राउ गरी नेपाल ल्याइएको छ।
पक्राउ पर्नेमा झापाको बिर्तामोड नगरपालिका–३ स्थायी ठेगाना भएका बिमल राजवंशी रहेका छन्।
राजवंशीलाई अन्तर्राष्ट्रियस्तरमा खोजतलास गरी पक्राउ गर्न नेपाल प्रहरी प्रधान कार्यालय, अपराध अनुसन्धान विभागअन्तर्गतको इन्टरपोल शाखाको अनुरोधमा इन्टरपोल महासचिवालयले २०२६ मे १३ मा रेड नोटिस जारी गरेको थियो।
रेड नोटिस जारी भएपछि एनसीबी काठमाडौं र एनसीबी मस्कट, ओमनको समन्वय तथा संयुक्त पहलमा राजवंशीलाई ओमनमा पक्राउ गरिएको प्रहरीले जनाएको छ। पक्राउपछि एनसीबी काठमाडौंबाट खटिएको प्रहरी टोलीले उनलाई कतार एअरवेजमार्फत नेपाल ल्याएको हो।
राजवंशी शनिबार साँझ ४ बजेर २९ मिनेटमा नेपाल आइपुगेका थिए। नेपाल आइपुगेपछि उनलाई प्रहरीले नियन्त्रणमा लिएर आवश्यक अनुसन्धान तथा कानुनी कारबाही अघि बढाएको छ।
उनीविरुद्ध जबरजस्ती करणी तथा विद्युतीय कारोबार ऐनसम्बन्धी कसुरमा थप अनुसन्धान भइरहेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
