एजेन्सी– अल्पसंख्यक मुस्लिम समुदाय उइघुरलाई दमन गरेको भन्दै अन्तर्राष्ट्रिय समुदायबाट आलोचित भएको चीन सरकारले यस विषयमा आफ्नो बचाउ गरेको छ।
_x000D_
_x000D_
चीनको उत्तर पश्चिम क्षेत्र सिङजियान प्रान्तमा बस्ने यो समुदायलाई चीन सरकारले पुनः शिक्षा केन्द्रमा राखेको भन्दै उसको आलोचना भएको हो।
_x000D_
_x000D_
चीन सरकारका एक उच्च अधिकारीले यसलाई अल्पसंख्यक मुस्लिम समुदायको मानव अधिकारको हनन नगरेको भन्दै उनले उइघुर समुदायलाई मानवीय र कानुनी प्रशिक्षण केन्द्रमा राखेको बताएका छन्।
_x000D_
_x000D_
अधिकारवादी संस्थाहरु, पश्चिमा सरकार, अमेरिकी कानुन व्यवसायीहरु, संयुक्त राष्ट्रसंघ लगायतले चीनले अल्पसंख्यक मुस्लिम समुदाय उइघुरलाई पुनः शिक्षाको नाममा दमन गरेको भन्दै चीनको यस नीतिको चर्को आलोचना गरेको छ।
_x000D_
_x000D_
कति मुस्लिम समुदायलाई पुनः शिक्षाको नाममा चलाइएको तालिममा सहभागी गाराइएको यकिन नभए पनि यो १० लाखको संख्यामा हुनसक्ने अनुमान उनीहरुले गरेका छन्।
_x000D_
_x000D_
अधिकारवादी संस्थाहरुले उइघुर समुदायलाई चीनले विना कुनै अपराध अनिश्चितकालसम्मका लागि बन्धक बनाएको बताएका छन्। उनीहरुको अवस्था के छ भन्ने विषयमा कुनै जानकारी बाहिर नल्याइएकोप्रति अधिकारवादी संस्थाहरुले आपत्ति जनाएका छन्।
_x000D_
_x000D_
तर सिङजियाङ प्रान्तका प्रमुख जो आफैं उइघुर समुदायका हुन्, सोहरत जकिरले व्यावसायिक शिक्षाले आतंकवाद रोक्न प्रभावकारी भूमिका खेलेको बताएका छन्। राज्य नियन्त्रित सञ्चार माध्यमसँग दिएको एक अन्तर्वार्तामा उनले यस्तो बताएका हुन्।
_x000D_
_x000D_
_x000D_
_x000D_
यस शिक्षाले उइघुर समुदायलाई रोगजारीमूलक शिक्षा, चिनियाँ भाषा र कानुनका विषयमा ज्ञान प्रदान गरेको उनले यसअघि दावी गरेका थिए। ‘यो एक निकै नै प्रभावकारी उपाय भएको छ, जसका माध्यमबाट हाम्रो भूमिमा हुर्किनसक्ने आतंकवाद र अतिवादमा नलाग्न हाम्रा नागरिकलाई सचेत बनाउँछ’, जाकिरले भने, ‘यो क्याप स्थापना भएपछि सिङजियाङबासी उइघुर समुदायबाट हामीले धेरै नै सहयोग प्राप्त गरेका छौं।
_x000D_
_x000D_
चीनको उत्तर–पश्चिम प्रान्तमा बसोबास गर्ने अल्पसंख्यक मुस्लिम उइघुर समुदायमाथिको दमनलाई अन्तर्राष्ट्रिय मुस्लिम समुदायले खासै चासो नदिनु आश्चर्यको विषय भएको अन्तर्राष्ट्रिय सञ्चार माध्यमले बताएका छन्।
_x000D_
_x000D_
उइघुर समुदाय जातीय रुपमा टर्कीका मुस्लिमहरु हुन्, जो चीनको हकमा सिङजियान क्षेत्रमा धेरै बसोबास गर्छन्। उनीहरुको संख्या ४५ प्रतिशतको हारहारीमा रहेको छ। तर केही वर्षदेखि चीन सरकारले हान सम्प्रदायका चिनियाँहरुलाई सिङजियान प्रान्तमा बसाइँसराई गराएपछि अल्पसंख्यक उइघुरहरुले आफ्नो रीतिरिवाज, धर्मसंस्कृति मासिने डर व्यक्त गर्न थालेका छन्।
_x000D_
_x000D_
विश्वमा नै मुस्लिम समुदायले आतंकवादी गतिविधि बढाउँदै लग्दा त्यसको प्रभाव चीनमा पनि त्यहाँका अल्पसंख्यक मुस्लिम समुदायका माध्यमबाट पर्न सक्ने आशंकाकाबीच चीन सरकारले त्यहाँका मुस्लिम समुदायलाई विशेष ध्यान दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749200817.png)
