काठमाडौं– नेपाली कांग्रेसका उपसभापति विश्वप्रकाश शर्माले पार्टी र राजनीति पनि खेलजस्तै विधि र नियमअनुसार चल्नुपर्ने बताएका छन्। झापा–१ काठमाडौं कप फुटसल प्रतियोगिताका क्रममा उनले राजनीतिमा गल्ती गर्ने नेताले पनि खेलाडीले जस्तै पहेँलो र आवश्यक परे रेड कार्ड पाउने चेतना राख्नुपर्ने बताए।
शर्माले विशेष महाधिवेशन र त्यसपछि सर्वोच्च अदालतको फैसलालाई मानेर अघि बढ्नुपर्ने भन्दै अदालतले कांग्रेसको केन्द्रीय समिति बदर नगरेको र सभापति गगन थापालाई हटाएको अवस्था नरहेको दाबी गरे। उनले आवेगमा आएर नेमप्लेट राख्दैमा कोही सभापति वा पदाधिकारी नहुने भन्दै पार्टी विधिभित्रै सञ्चालन हुनुपर्नेमा जोड दिए।
उनले निर्वाचन आयोग र सर्वोच्च अदालतजस्ता संवैधानिक निकायले दिएको निर्णयलाई खेलको रेफ्रीले देखाउने कार्डजस्तै स्वीकार गर्नुपर्ने धारणा राखे। राजनीतिमा पनि विधि र नियमभन्दा बाहिर गएर अघि बढ्न नहुने उनको भनाइ थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786783779.jpg)
-1786602170.png)
-1786513116.png)
