काठमाडौं– बुधबार संसदमा सार्वजनिक लेखा समितिमा नोकझोक परेपछि प्रहरी महानिरीक्षक (आईजीपी) दानबहादुर कार्की प्रधानमन्त्री कार्यालय प्रवेश गरेको पाइएको छ ।
विशेषगरी रास्वपा सांसद खगेन्द्र सुनारले विभिन्न आरोप लगाउँदै बर्दी नै फुकाल्न लगाएर तत्कालै छानबिनको कठघरामा ल्याउनुपर्ने भन्दै जंगिएका थिए ।
म्यादी प्रहरीको पोशाक खरिदमा भ्रष्टाचार भएको, आईजीपीको घरबाटै ३ करोड नगद चोरी भएको जस्ता गम्भीर आरोप लगाएका थिए । उनको प्रस्तुति पनि निकै आक्रामक र दोषी करार गर्ने किसिमको रहेको भन्दै अहिले आलोचना समेत भइरहेको छ ।
पछि आईजीपी कार्कीले पनि सांसद सुनार लक्षित जवाफ फर्काएका थिए । ‘प्रहरीलाई घिसार्छु भन्नेले नै नैतिकताको पाठ सिकाउन थालेको’ भन्दै ‘हामी कस्ताबाट शासित हुँदैछौं’ भन्ने आयशको जवाफ फर्काएका थिए ।
समितिमा निकै आक्रामक रुपमा नोकझोक भएपछि सुनार बीचमै उठेर निस्केका थिए । समितिको बैठक सकिएपछि आईजीपी कार्की भने सिंहदरबारस्थित प्रधानमत्री कार्यालय छिरेको पाइएको छ ।
‘उहाँ प्रधान कार्यालय छिर्नुको भएको करिब एक घण्टामा निस्कनु भयो । क–कसलाई भेट्नुभयो भन्नेबारे हामीलाई जानकारी भएन’ प्रधानमन्त्री कार्यालय स्रोतले भन्यो ।
प्रधानमन्त्री कार्यालय गएर आईजीपी कार्कीले प्रधानमन्त्री बालेन्द्र शाहलाई भेटे, भेटेनन् भन्नेबारे यकिन हुन सकेको छैन । उनले त्यहाँ कसलाई भेटे, के कुरा भयो भन्ने विषय भने गोप्य नै रहेको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786634393.jpg)
-1786602170.png)
-1764146706.png)
-1786513116.png)
