काठमाडौं– नेपालीको सरदर आयु विसं २०७७ सम्म ७३ वर्ष पुर्याउने लक्ष्य राखिएको छ। हाल सरदर आयु ७२ वर्ष रहेको छ।
_x000D_
_x000D_
राष्ट्रिय योजना आयोगद्वारा प्रकाशित मध्यकालीन खर्च प्रतिवेदनमा सो लक्ष्य निर्धारण गरिएको छ। प्रतिवेदनमा विसं २०७३ मा आयु ६९ वर्ष रहेको जनाइएको छ।
_x000D_
_x000D_
पछिल्लो समय नवजात शिशु, बालस्वास्थ्य तथा मातृस्वास्थ्यका क्षेत्रमा नेपालले उल्लेख्य प्रगति गरेका कारण आयुमा वृद्धि भएको बताइएको छ। साथै नसर्ने रोग (मुटु, मिर्गौला, अर्बुद रोगलगायत रोग) उपचारमा केही आर्थिक सहयोगसमेत प्रदान गरिएको छ।
_x000D_
_x000D_
प्रतिवेदनले विसं २०७७ सम्म मातृ मृत्युदर (प्रतिलाख जीवित जन्म) २ सय ३९ बाट १ सय २५, पाँच वर्षमुनिको बाल मृत्युदर (प्रतिहजार जीवित जन्म) ३९ बाट २६, नवजात शिशु मृत्युदर (प्रतिहजार जीवित जन्म) २३ बाट १७ जनामा झार्ने लक्ष्यसमेत निर्धारण गरेको छ।
_x000D_
_x000D_
संविधानले आधारभूत स्वास्थ्य सेवालाई मौलिक अधिकारमा व्यवस्था गरेको छ। प्रतिवेदनमा स्वास्थ्य संस्थामार्फत प्रसूति सेवा प्राप्त गर्ने महिलाको प्रतिशत ५७ बाट ७२ पुर्याइने र सीपयुक्त स्वास्थ्यकर्मीद्वारा प्रसूति सेवा प्राप्त गर्ने महिलाको सङ्ख्या ५८ बाट ७२ प्रतिशत पुर्याइने लक्ष्यसमेत निर्धारण गरिएको छ।
_x000D_
_x000D_
नेपालमा नवजात शिशु तथा प्रसूति सेवा निःशुल्क छ। आमा सुरक्षा कार्यक्रममार्फत स्वास्थ्य तथा जनसङ्ख्या मन्त्रालयले स्वास्थ्य संस्थामा सुत्केरी हुनेलाई यातायात खर्चसमेत दिँदै आएको छ।
_x000D_
_x000D_
अर्कातर्फ नयाँ एचआइभी सङ्क्रमित वार्षिक सङ्ख्या हालको ८ सय १ बाट ७ सय १० जनामा झार्ने तथा पहिचान भएका क्षयरोगीमध्ये उपचारको सफलता ९० प्रतिशत पुर्याइने पनि लक्ष लिइएको छ।
_x000D_
_x000D_
प्रतिवेदनले स्वास्थ्य नीति, रणनीति तथा बीमा ऐनको प्रभावकारी कार्यान्वयन गर्दै गुणस्तरीय स्वास्थ्य सेवाको पहुँचमा ल्याउन जरुरी रहेको औँल्याएको छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749200817.png)
