एजेन्सी– इजरायली प्रधानमन्त्री बेन्जमिन नेतन्याहूले हमास "साँच्चिकै" निःशस्त्र नभएसम्म गाजाबाट आफ्नो सेना फिर्ता नआउने भन्दै अमेरिकी राष्ट्रपति डोनल्ड ट्रम्पको गाजासम्बन्धी १५ बुँदे योजना अस्वीकार गरेका छन्।
ट्रम्पको बोर्ड अफ पीसले गाजामा सञ्चालित हमास र अन्य सशस्त्र समूहहरूको "पूर्ण निःशस्त्रीकरण" सम्बन्धी सहमति भएको गत महिना जनाएको थियो।
तर इजरायलले "सबै प्रकारका आक्रमण" अन्त्य गरी गाजाबाट उसका सेना फिर्ता गरेपछि मात्र आफ्ना ठूला हतियार हस्तान्तरण गरिने हमासले बताएको थियो।
गत अक्टोबरमा प्रारम्भिक युद्धविरामका लागि सहमति जनाएपछि पनि इजरेलले गाजामा आक्रमण जारी राखेको छ।
‘इजरायले १५ बुँदे दस्ताबेज स्वीकार गर्दैन,’ आइतबार नेतन्याहुले भने, ‘हमासले पूर्ण रूपमा हतियार नबसाएसम्म इजरायली सेना फिर्ता हुन्न । र, इजरायल आफ्ना सैनिक र नागरिकका विरुद्धमा कुनै पनि खतरालाई रोकिरहन्छ ।’
इजरायलले अस्वीकार गरेसँगै ट्रम्पले गत वर्षको सेप्टेम्बरमा अघि सारेको गाजा शान्ति योजनामा अर्को धक्का पुग्ने सङ्केत देखिएको छ।
उक्त योजनामा हमाससँगको सम्झौता कार्यान्वयन भए नभएको अनुगमनका लागि बोर्ड अफ पीस गठन गर्ने, हमासलाई निःशस्त्र बनाउने, गाजाबाट इजरेली सेना फिर्ता गर्ने र गाजाको पुनर्निर्माण गर्ने सहितका विषय समावेश थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
