एजेन्सी– थाइल्यान्डको नोनथाबुरी प्रान्तस्थित एक विद्यालयमा शुक्रबार भएको गोलीकाण्डमा मृत्यु हुनेको संख्या ९ पुगेको छ ।
घटनामा घाइते भएकी १२ वर्षीया एक बालिकाको उपचारका क्रममा मृत्यु भएपछि मृतकको संख्या ९ पुगेको हो ।
नोनथाबुरी प्रान्तको जनसम्पर्क विभागले स्वास्थ्य मन्त्रालयलाई उद्धृत गर्दै शनिबार स्थानीय समयअनुसार साँझ ४ बजेसम्म गोलीकाण्डमा ९ जनाको मृत्यु भएको र १४ जना अझै अस्पतालमा उपचाररत रहेको जनाएको छ ।
घटना नोनथाबुरीस्थित डेब्सिरिन नोनथाबुरी विद्यालयमा भएको थियो। १४ वर्षीय एक विद्यार्थीले गोली चलाउँदा विद्यालयका विद्यार्थी तथा कर्मचारीसहित धेरै जना घाइते भएका थिए । आक्रमणकारीले विद्यालय जानुअघि आफ्ना हजुरबुबा–हजुरआमालाई समेत गोली हानेको र पछि आफूले पनि गोली हानी आत्महत्या गरेको प्रहरीले जनाएको छ ।
गोली लागेर उपचाररत १२ वर्षीया बालिकाको शनिबार मृत्यु भएको हो । उनी अध्ययनरत विद्यालयले सामाजिक सञ्जालमार्फत विद्यार्थीको निधनप्रति दुःख व्यक्त गर्दै परिवारजनप्रति समवेदना प्रकट गरेको छ ।
घटनाको अनुसन्धानका क्रममा थाई प्रहरीले शनिबार विद्यालयका केही विद्यार्थी र शिक्षकसँग सोधपुछ गरेको छ । प्रहरीले १४ वर्षीय किशोरले गोली चलाउनुको कारण तथा उसले प्रयोग गरेको हतियार र गोलीको स्रोतबारे अनुसन्धान गरिरहेको जनाएको छ ।
प्रहरीले प्रारम्भिक अनुसन्धानको नतिजाबारे आइतबार पत्रकार सम्मेलनमार्फत जानकारी दिने तयारी गरेको छ । यसअघि शुक्रबार भएको घटनामा आक्रमणकारीसहित आठ जनाको मृत्यु भएको विवरण सार्वजनिक भएको थियो । पछिल्लो समय थप एक बालिकाको मृत्यु भएपछि मृतकको संख्या नौ पुगेको हो ।
थाइल्यान्डमा भएको पछिल्लो घटनाले विद्यालय सुरक्षासँगै देशमा बन्दुक नियन्त्रणसम्बन्धी बहसलाई समेत पुनः चर्काएको छ । प्रधानमन्त्री अनुतिन चार्नविराकुलले घटनापछि बन्दुकसम्बन्धी नियम थप कडा बनाउने प्रतिबद्धता जनाएका छन् । सीसीटीभी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1786157138.png)
-1786184812.png)
