काठमाडौं– लामो समयदेखि देश बाहिर रहेका पूर्वप्रधानमन्त्री शेरबहादुर देउवा २६ साउनमा काठमाडौं आउने बताइएको छ । पछिल्लो समय हङकङमा श्रीमती तथा पूर्वपरराष्ट्रमती आरजु राणासँगै रहेका देउवा करिब ६ महिनापछि नेपाल फर्किँदैछन् । देउवा निकट स्रोतका अनुसार उनी एक्लै नेपाल फर्कन लागेका हुन् ।
उनी उपचारका लागि भन्दै गत २१ फागुनमा प्रतिनिधिसभाको निर्वाचन हुनभन्दा अघि नै विदेश गएका थिए । सुरुमा सिंगापुर गएका देउवा त्यहाँबाट हङकङ पुगेका थिए । हङकङमा रहँदा त्यहाँको मलमा कहिले लिफ्ट चढ्दै गरेको, केही बाटोमा हिँड्दै गरेको भिडियोहरु पनि सार्वजनिक भइरहेका छन् ।
उनी देश बाहिर रहकै बेला सम्पत्ति शुद्धीकरणको कसुरमा उनीमाथि अनुसन्धान समेत भएको थियो । जेन–जी आन्दोलनको क्रममा उनको घरमा पैसा जलेको जस्ता विषयहरु पनि बाहिर आएका थिए ।
त्यसपछि सम्पत्ति शुद्धीकरणको कसुरमा देउवा दम्पत्तिविरुद्ध पक्राउ पुर्जी जारी पनि भएको थियो । देश बाहिर देउवा दम्पत्ति रहेकाले प्रहरीको अन्तराष्ट्रिय संगठन इन्टरपोलमार्फत रेड नोटिस जारी गरेर पक्राउ गरी नेपाल लयाउने प्रक्रिया पनि अघि बढाइएको थियो ।
तर दुई पटकसम्म प्रयास गर्दा पनि इन्टरपोलले रेड नोटि जारी नगरी थप कागजात मागिरह्यो । यसैबीचमा देउवा दम्पत्तिका तर्फबाट आफूहरुविरुद्ध जारी भएको पक्राउ पुर्जी खारेज गरी पाउँ भन्दै सर्वोच्चमा रिट समेत जारी भएको थियो ।
अदालतले पनि तत्काल पक्राउ नगर्न भनेको थियो । तर सम्पत्तिको कसुरमा काठमाडौं जिल्ला अदालतले पक्राउ पुर्जी जारी गरेको घटनामा उक्त आदेश आएकोले विशेष अदालतबाट अर्को पक्राउ पुर्जी लिएर पक्राउ गर्न सकिने सम्भावना पनि रहे कानूनका जानकारहरु बताउँछन् ।
यसैसन्दर्भमा प्रहरी प्रवक्ता अबि नारायण काफ्लेलाई पत्रकारहरु देउवा नेपाल आउने भएपछि पक्राउ पर्छन् भनेर प्रश्न गरेका थिए । प्रहरी प्रधान कार्यालयमा भएको कार्यक्रममा बोल्दै प्रवक्ता काफ्ले यसबारे ठोस उत्तर नदिई घुमाउरो पाराले जवाफ फर्काए ।
‘यस विषयमा हामी हेर्दैछौं । बुझ्ने काम भइरहेको छ’ छोटो उत्तर दिएर उनी पन्छिए । उनले पक्राउ गर्ने÷नगर्ने बारे कुनै ठोस उत्तर दिएनन् । बुझ्ने काम भइहरेको मात्रै बताएकाले यसलाई कतिपयले संका दृष्टिले पनि हेरका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
