काठमाडौं– कर्तव्य ज्यान मुद्दामा फरार रहेका तथा इन्टरपोलको रेड नोटिस जारी भएका एक प्रतिवादीलाई नेपाल प्रहरीले पक्राउ गरेको छ।
प्रहरीका अनुसार तनहुँको साविक भिरकोट–६, हाल ऋषिङ गाउँपालिका–४ निवासी अम्मर सिंह नेपाली वारदातपछि फरार रहेका थिए। उनलाई अन्तर्राष्ट्रिय स्तरमा खोजी तथा पक्राउका लागि नेपाल प्रहरी प्रधान कार्यालय, अपराध अनुसन्धान विभागअन्तर्गतको इन्टरपोल शाखाको अनुरोधमा इन्टरपोल महासचिवालयले सन् २०२४ जुन ६ मा रेड नोटिस जारी गरेको थियो।
रेड नोटिस जारी भएपछि उनी साउदी अरेबियाबाट Air Arabia को फ्लाइट नम्बर G9 530 मार्फत नेपाल फर्किने सूचना प्राप्त भएपछि प्रहरीले निगरानी बढाएको थियो। त्यसक्रममा २०८३ साउन २० गते राति १०:५० बजे त्रिभुवन अन्तर्राष्ट्रिय विमानस्थलमा अवतरण गर्ने क्रममा उनलाई नियन्त्रणमा लिइएको प्रहरीले जनाएको छ।
पक्राउ परेका नेपालीलाई आवश्यक कानुनी प्रक्रिया पूरा गरी सम्बन्धित निकायमा बुझाउने तयारी गरिएको छ। प्रहरीले अन्तर्राष्ट्रिय समन्वय र इन्टरपोलमार्फत फरार अभियुक्तलाई नेपाल ल्याएर पक्राउ गर्न सफल भएको जनाएको छ।
यस घटनालाई अन्तर्राष्ट्रिय प्रहरी समन्वयमार्फत फरार अभियुक्तको खोजी तथा पक्राउमा नेपाल प्रहरीले हासिल गरेको महत्वपूर्ण सफलताका रूपमा हेरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
