काठमाडौं– सिरहाको गोलबजारमा गोली लागेर एक जनाको मृत्यु भएको छ।
सिरहाका सहायक प्रमुख जिल्ला अधिकारी चेतराज बरालका अनुसार बिहीबार दिउँसो प्रदर्शनका क्रममा गोली लागेर एक युवकको मृत्यु भएको हो ।
गोली लागि ज्यान गुमाउनेमा गणेश यादव रहको गोलबजार ३ का वडाध्यक्ष धनप्रसाद लामाले जानकारी दिए । उनका अनुसार गोली लागेर एक अर्का युवक घाइते छ । उनको स्थानीय क्लिनिकमा उपचार भइरहेको छ ।
त्यसअघि गोलबजारमा दुई समूहबीच झडप भएको थियो। प्रदर्शनकारीले मृतकको शव सडकमै राखेर प्रदर्शन गरिरहेका छन्।
तर प्रहरीले हवाइ फायर र टियर ग्यास मात्र प्रयोग गरेको गोली नचलाएको दाबी गरेको छ । सहायक प्रमुख जिल्ला अधिकारी बरालले प्रहरीले गोली नचलाएको दाबी गरे ।
जिल्लास्थित सुरक्षा निकायका प्रमुखहरू गोलबजारतिर गएका छन्। स्थिति नियन्त्रणमा लिन सबै सुरक्षा निकाय परिचालन गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
