सर्लाही– सर्लाहीको मलंगवास्थित सीमावर्ती क्षेत्रबाट सशस्त्र प्रहरीले स्रोत नखुलेको ठूलो परिमाणको नगद र मोटरसाइकलसहित एक जनालाई नियन्त्रणमा लिएको छ।
सीमा सुरक्षा गुल्म हे.क्वा.मलंगवाबाट खटिएको टोलीले मलंगवा नगरपालिका वडा नं. ८ स्थित सीमा क्षेत्रबाट ७ लाख ५७ हजार नेपाली रुपैयाँसहित ती व्यक्तिलाई पक्राउ गरेको हो।
विशेष सूचनाका आधारमा जाँच गर्ने क्रममा स्रोत खुलाउन नसकेको नगद रकम र प्रयोग गरिएको मोटरसाइकल बरामद गरिएको सशस्त्र प्रहरीले जनाएको छ। नियन्त्रणमा लिइएका व्यक्तिलाई नगद र मोटरसाइकलसहित आवश्यक कारबाहीका लागि सम्बन्धित निकायमा बुझाइएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
