दमक- झापाको दमकमा मोटरसाइकलको ठक्करबाट आइतबार बिहान एकजना पैदलयात्रीको मृत्यु भएको छ।
इलाका प्रहरी कार्यालय दमकका अनुसार, मृत्यु हुने दमक–९ का ५० वर्षीय विष्णु सुवेदी रहेका छन्।
दमक–९ स्थित शान्तिमार्गमा बाटो काट्ने क्रममा तीव्र गतिमा आएको मोटरसाइकलले सुवेदीलाई ठक्कर दिएको थियो।
ठक्करबाट गम्भीर घाइते सुवेदीको विराटनगरस्थित न्यूरो अस्पताल लैजाँदै गर्दा बाटोमा नै मृत्यु भएको इप्रका दमकका प्रहरी नायब उपरीक्षक दीपक गिरीले जानकारी दिए । प्रहरीले दुर्घटनामा संलग्न मोटरसाइकल र चालकलाई अनुसन्धानका लागि नियन्त्रणमा लिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
