काठमाडौं– प्रधानमन्त्री बालेन्द्र शाहले सदनमा आकस्मिकरुपमा उपस्थित भएर केही सांसदहरुको प्रश्नको जवाफ दिए पनि प्रतिपक्षी दल एमाले र श्रम संस्कृति पार्टीले असन्तुष्टि जनाएका छन् । संसद नियमावलीको पालनाअनुसार प्रश्नोत्तर नभएको उनीहरुको आरोप छ ।
प्रधानमन्त्री जवाफ दिएर हिँडेलगत्तै एमाले र श्रम संस्कृति पार्टीका सांसदहरुले उठेर बोल्न समय माग गरेका थिए । तर, सभामुखले समय नदिएपछि केहीबेर बादविवाद भयो । एमालेका ऐन महरलाई लगातार उठेर विरोध जनाइरहे । तर, सभामुखले एमालेकै गुरु बराललाई बोल्न समय दिए । बरालले प्रधानमन्त्रीको प्रश्नोत्तर नियमावली अनुसार नभएको भन्दै आपत्ति जनाए ।
बरालपछि श्रम संस्कृति पार्टीका ध्रुवराज राईले प्रधानमन्त्री छापामार शैलीमा आएर केही प्रश्नको जवाफ दिएको तर आफूले प्रश्न सोध्न नपाएको बताए । त्यसपछि बोल्न समय पाएका एमालेका महरले ३ दिन अगाडि प्रश्न पठाउनुपर्ने नियम कतै पनि नभएको भन्ने सभामुखको भनाइमा नियमापत्ति जनाए ।
उनले सभामुखको यो अभिव्यक्ति नै संसदको रेकर्डबाट हटाउन माग गरे ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1732445217.webp)
