काठमाडौँ– नेपाल उद्योग वाणिज्य महासंघको नयाँ नेतृत्व चयनका लागि निर्वाचन प्रक्रिया सुरु भएको छ ।
चार उपाध्यक्षसहित, विषयगत समूहतर्फको केन्द्रीय सदस्यका लागि राष्ट्रिय प्रज्ञा प्रतिष्ठानमा मतदान सुरु भइरहेको छ । सोमबार ललितपुरको ग्वार्खोस्थित होटेल टुलिपमा महासंघको ६०औँ वार्षिक साधारण सभा सम्पन्न भएको थियो ।
महासंघको भावी नेतृत्वका लागि व्यवसायीहरू दुई प्यानलमा गोलबद्ध भएका छन् । महासंघका वर्तमान अध्यक्ष चन्द्रप्रसाद ढकाल नेतृत्वको एउटा प्यानल बनेको छ भने ६०औँ साधारण सभाबाट स्वतः अध्यक्ष बन्न लागेका वरिष्ठ उपाध्यक्ष अञ्जनकुमार श्रेष्ठको अर्को चुनावी प्यानल बनेको छ । महासंघको यस पटकको निर्वाचन ढकाल प्यानल र श्रेष्ठ प्यानलबीच कडा प्रतिस्पर्धा हुने देखिएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
