झापा– मेची भन्सार कार्यालयले चालु आर्थिक वर्ष २०८२/८३ को चैत मसान्तसम्म १३ अर्ब १४ करोड ४५ लाख ८१ हजार रुपैयाँ राजश्व संकलन गरेको छ । उक्त रकम चालु आवका लागि निर्धारण गरिएको लक्ष्यको ६९.८३ प्रतिशत हो ।
कार्यालयका सूचना अधिकारी ईश्वरकुमार हुमागाईंका अनुसार चालु आवमा १८ अर्ब ८७ करोड ७४ लाख ८३ हजार रुपैयाँ राजश्व संकलन गर्ने लक्ष्य राखिएको छ । चैत महिनामा मात्रै १ अर्ब ६० करोड ६८ लाख ४७ हजार रुपैयाँ राजश्व संकलन भएको उनले जानकारी दिए । उक्त संकलन चैत महिनाको लक्ष्यको ९४.६९ प्रतिशत हो ।
कार्यालयको तथ्यांकअनुसार चालु आवको साउन महिनामा १ अर्ब २६ करोड ५० लाख ७९ हजार, भदौमा १ अर्ब ३६ करोड ४४ लाख ३९ हजार, असोजमा १ अर्ब ५२ करोड २४ लाख ९१ हजार र कात्तिकमा १ अर्ब ३० करोड ८१ लाख ८९ हजार राजश्व संकलन भएको छ ।
त्यसैगरी, मंसिरमा १ अर्ब ३६ करोड ७४ हजार, पुसमा १ अर्ब ५८ करोड ८९ लाख २४ हजार, माघमा १ अर्ब ४७ करोड ८८ लाख ५७ हजार र फागुनमा १ अर्ब ६५ करोड ८० लाख चार हजार रुपैयाँ राजश्व संकलन भएको कार्यालयले जनाएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
