काठमाडौं– चट्याङ लागेर रोल्पामा एक जनाको मृत्यु भएको छ ।
जिल्लाको परिवर्तन गाउँपालिका-४ को तातोपानी तुसारबोटका ७७ वर्षीय लालु वलीको मृत्यु भएको हो।
उनको घरमा शनिबार बेलुकी ८:३० मा परेको चट्याङले एउटा गोरु समेत मरेको प्रहरीले जनाएको छ । लालुको घर देखि ५ मिटर पश्चिमको रुखमा परेको चट्याङले घरमा क्षति गर्नुका साथै चौपायाको ज्यान लिएको हो । लिवाङबाट उक्त स्थान करिब ६० किलोमीटर उत्तर पश्चिममा पर्छ ।
यस्तै शनिबार बेलुकी ८ बजेको समयमा चट्याङ पर्दा पूर्वी रोल्पाको लुङ्ग्री गाउँपालिका-४ सालडाँडा स्थित ४५ वर्षीय गजिम गिरिको गोठमा रहेका ४ वटा भैंसी (१ दुहुनो, १ ब्याउने र २ पाडी) मारिएका हुन् । उक्त स्थान सदरमुकाम लिवाङ बाट करिब ४० किलोमीटर टाढा पर्छ ।
यता सर्लाहीमा पनि चट्याङ लागेर एक जना वृद्ध घाइते भएका छन् भने घरमा आगो लाग्दा १४ चौपाया मरेका छन् । धनकौल गाउँपालिका–४, महिनाथपुरमा चट्याङ लागेर ६० वर्षीय सीताराम यादव घाइते भएका हुन् । टाउको तथा शरीरका विभिन्न भागमा चट्याङ लागेर घाइते यादवको तराई अस्पताल रौतहटमा उपचार भइरहेको परिवारले जनाएको छ ।
घरगोठमा चट्याङ पर्दा यादवले पालेका १४ वटा चौपायसमेत मरेका छन् । प्रहरीका अनुसार चट्याङ परेर नौ वटा बाख्रा र पाँचवटा भैँसी मरेका हुन् । चट्याङ परेर यादवको घरगोठमा आगलागी भएको थियो । आगलागीका कारण गोठ पूर्णरुपमा जलेर नष्ट भएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788758166.jpg)
-1786602170.png)
-1786513116.png)
-1788425345.png)
