काठमाडौं– विश्वव्यापी रूपमा स्थापित क्रसिङ र मेटेरियल प्रोसेसिङ उपकरण निर्माता कम्पनी Taurian MPS Ltd. ले नेपालका लागि RBG International Pvt. Ltd. लाई आफ्नो आधिकारिक डिलर नियुक्त गरेको छ।
काठमाडौंको होटल बराही प्लाजामा आयोजित एक विशेष समारोहका बीच दुई कम्पनीबीच साझेदारी सम्झौता सम्पन्न भएको छ । उक्त कार्यक्रममा Taurian MPS का ग्लोबल सेल्स डाइरेक्टर आनन्द मोहन र अन्तर्राष्ट्रिय बिक्री उपाध्यक्ष तरसेम पठानियाको उपस्थिति थियो। यस्तै, RBG International का तर्फबाट अध्यक्ष बलराम उपाध्याय र निर्देशकद्वय रविरञ्जन कुमार तथा श्यामल झाले साझेदारीप्रति प्रतिबद्धता जनाए ।
सन् २००५ मा स्थापित Taurian MPS ले उत्तर अमेरिका, रसिया र मध्यपूर्व जस्ता अन्तर्राष्ट्रिय बजारमा आफ्नो बलियो उपस्थिति बनाइसकेको छ। नेपालमा भइरहेको तीव्र पूर्वाधार विकास र जलविद्युत आयोजनाहरूलाई मध्यनजर गर्दै आफ्नो बजार विस्तार गर्ने रणनीतिक योजनासहित अघि बढेको कम्पनीले जनाएको छ ।
सन् २०१९ देखि निर्माण उपकरण र केमिकल क्षेत्रमा सक्रिय RBG International ले यस साझेदारीसँगै अब नेपाली क्रसर प्लान्ट क्षेत्रमा पनि प्रवेश गरेको छ। कम्पनीले गुणस्तरीय उपकरणका साथै प्रभावकारी ‘बिक्रीपछिको सेवा’ (After Sales Service) मार्फत ग्राहकलाई भरपर्दो सेवा दिने लक्ष्य राखेको छ।
कम्पनीका अधिकाारीले यो सहकार्यले नेपालको पूर्वाधार निर्माणमा आवश्यक पर्ने आधुनिक क्रसिङ तथा स्क्रिनिङ प्रविधिको पहुँच बढाउनुका साथै औद्योगिक प्रगतिमा महत्वपूर्ण योगदान पुर्याउने विश्वास लिएका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
