काठमाडौँ – नेपाली कांग्रेसले प्रतिनिधिसभा सदस्य चुनाव २०८२ को परिणामपछि देशभरका पार्टी संरचनालाई तत्काल कार्यान्वयन गर्न निर्देशन दिएको छ ।
पार्टीका महामन्त्रीहरू गुरु घिमिरे र प्रदीप पौडेलद्वारा जारी परिपत्रमा प्रदेश, जिल्ला कार्यसमिति तथा प्रतिनिधि सभा सदस्यका उम्मेदवारहरूलाई निर्वाचनसम्बन्धी विस्तृत समीक्षा प्रतिवेदन पठाउन आग्रह गरिएको छ ।
फागुन २९, २०८२ मा जारी परिपत्रमा २१ फागुनमा भएको चुनावमा पार्टीले अपेक्षा गरेअनुसार परिणाम आउन नसकेको भन्दै त्यसलाई आत्मसमीक्षाको विषय बनाइएको उल्लेख गरिएको छ ।
परिपत्रअनुसार प्रदेश र जिल्ला कार्यसमितिले निर्वाचन परिणामको समीक्षा, पराजयका कारण, अनुभव, सुझाव तथा भविष्यमा सुधार गर्नुपर्ने विषय समेटेर विस्तृत प्रतिवेदन तयार गर्नुपर्नेछ । साथै प्रतिनिधि सभा सदस्यका उम्मेदवारहरूले पनि आफ्नो तर्फबाट छुट्टै समीक्षा प्रतिवेदन तयार गरी केन्द्रीय कार्यालयमा पठाउनुपर्नेछ ।
त्यसैगरी पार्टीको विधान अनुसार गठन गर्नुपर्ने जिल्ला तथा प्रदेश अनुशासन समितिको विवरण पनि केन्द्रीय कार्यालयमा पठाउन निर्देशन दिइएको छ । पार्टीले अनुशासन समितिको विवरण तथा निर्वाचन समीक्षा प्रतिवेदन ३ चैत भित्र केन्द्रीय कार्यालयमा पठाइसक्नुपर्ने समयसीमा तोकेको छ ।
-1773560124.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782788260.png)
-1764146706.png)
