काठमाडौँ– ‘वन डढेलो नियन्त्रणमा प्रभावकारिताः तीनै तहका सरकार र समुदायको सहभागिता’ नाराका साथ आजदेखि ‘वन डढेलो व्यवस्थापन सप्ताह’ सुरु भएको छ।
वन तथा वातावरण मन्त्रालयले प्रत्येक वर्ष चैत १–७ गतेसम्म वन डढेलो व्यवस्थापन सप्ताह मनाउँदै आएको छ। सप्ताहको उद्देश्य वन क्षेत्रमा लाग्ने डढेलो न्यूनीकरण तथा नियन्त्रणका लागि जनचेतना अभिवृद्धि गर्नु हो।
सप्ताहका अवसरमा विभिन्न चेतनामूलक कार्यक्रम सञ्चालन हुनेछन्, जसमा जनचेतना अभिवृद्धि कार्यक्रम, समुदाय तथा विद्यालयस्तरीय अभिमुखीकरण, प्रचारप्रसार, जोखिमयुक्त क्षेत्रको अनुगमन, अग्निरेखा निर्माण, सरसफाइ र अन्य डढेलो व्यवस्थापन सम्बन्धी गतिविधि समावेश छन्।
नेपालमा विशेषगरी सुदूरपश्चिम, बागमती र कर्णाली प्रदेश तथा तराई–चुरे र मध्यपहाडी वन क्षेत्रमा डढेलोको जोखिम उच्च रहेको छ। सुक्खायाममा फागुनदेखि जेठसम्म डढेलोको जोखिम बढी रहने विभागले जनाएको छ।
डढेलोले वन स्रोत, जैविक विविधता, वातावरणीय सन्तुलन, जलस्रोत, मानव स्वास्थ्य र जनधनमा नकारात्मक प्रभाव पार्ने भएकाले समयमै पूर्वतयारी, समन्वय र जनचेतना आवश्यक रहेको विभागले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
