काठमाडौं– नेपाली कांग्रेसका सभापति गगनकुमार थापाले निर्वाचनको मौन अविधिमा आफू र पार्टीविरुद्ध विभिन्न प्लेटफर्महरुमा भ्रामक सामग्रीहरु फैलाइएको भन्दै आपत्ति जनाएका छन् ।
मंगलबार उनले सामाजिक सञ्जालमा पोस्ट लेख्दै त्यस्ता भ्रामक सामग्रीहरुविरुद्ध रिपोर्ट गर्न पार्टी सम्बद्ध नेता कार्यकर्ताहरुलाई अनुरोध गरेका छन् ।
उनले भनेका छन्, ‘निर्वाचन नजिकिँदै जाँदा, मौन अवधिमा समेत, म लगायत नेपाली कांग्रेसका उम्मेदवारहरूविरुद्ध भ्रामक सूचना, असत्य कथा र हेरफेर गरिएका भिडियोहरू सामाजिक सञ्जालमा सुनियोजित रूपमा फैलाइँदै छन् ।’
यस्तो कार्य आचारसंहिताविरुद्ध भएको र लोकतान्त्रिक संस्कारमाथिको आक्रमण भएको उनको भनाइ छ । उनले भनेका छन्, ‘यस्ता गलत र भ्रामक सूचनाविरुद्ध तपाईंहरूको सचेत सहभागिता अत्यन्त आवश्यक छ । त्यसैले; * Report गर्नुहोस्: Facebook, TikTok, YouTube लगायत प्लेटफर्ममा म वा पार्टीका उम्मेदवार तथा पार्टीबारे कुनै पनि फेक सामग्री देख्नुभयो भने तुरुन्तै “Report” गर्नुहोस् ।’
साथै उनले त्यस्ता प्रकारमा सामग्रीहरु शेयर गर्नुअघि सत्यता जाँच्न पनि अनुरोध गरेका छन् । उनले अघि भनेका छन्, ‘* Verify गर्नुहोस्: कुनै सामग्री शेयर गर्नु अघि एकछिन रोकिएर सत्यता जाँच्नुहोस्। अत्यधिक सनसनीपूर्ण वा भडकाउ सामग्री प्रायः भ्रामक हुन सक्छ ।सत्य र विवेकले मात्र भ्रमलाई परास्त गर्न सक्छ।
जय नेपाल !’
यस्तो छ उनको अनुरोध
आदरणीय शुभेच्छुक तथा साथीहरू,
निर्वाचन नजिकिँदै जाँदा, मौन अवधिमा समेत, म लगायत नेपाली कांग्रेसका उम्मेदवारहरूविरुद्ध भ्रामक सूचना, असत्य कथा र हेरफेर गरिएका भिडियोहरू सामाजिक सञ्जालमा सुनियोजित रूपमा फैलाइँदै छन्। यो केवल आचारसंहिताको उल्लङ्घन मात्र होइन, लोकतान्त्रिक संस्कारमाथिको आक्रमण हो। यस्ता गलत र भ्रामक सूचनाविरुद्ध तपाईंहरूको सचेत सहभागिता अत्यन्त आवश्यक छ। त्यसैले;
* Report गर्नुहोस्: Facebook, TikTok, YouTube लगायत प्लेटफर्ममा म वा पार्टीका उम्मेदवार तथा पार्टीबारे कुनै पनि फेक सामग्री देख्नुभयो भने तुरुन्तै “Report” गर्नुहोस्।
* Verify गर्नुहोस्: कुनै सामग्री शेयर गर्नु अघि एकछिन रोकिएर सत्यता जाँच्नुहोस्। अत्यधिक सनसनीपूर्ण वा भडकाउ सामग्री प्रायः भ्रामक हुन सक्छ।
सत्य र विवेकले मात्र भ्रमलाई परास्त गर्न सक्छ।
जय नेपाल !
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
