काठमाडौं– नेपाली कांग्रेस निकट नेपाल विद्यार्थी संघमा ३२ वर्षे उमेरहद लागू भएसँगै संघको सभापतिका लागि विद्यार्थी नेतृहरुले पनि दाबी गर्न सुरु गरेका छन्।
_x000D_
_x000D_
युवा विद्यार्थीहरुको चर्चासँगै विद्यार्थी नेतृहरुले पुरुषसरह आफूहरु पनि योग्य भएको बताएका छन्। ४८ वर्षको इतिहास रहेको नेविसंघमा हालसम्म महिलाबाट सभापति हुन सकेका छैनन्।
_x000D_
_x000D_
३२ वर्षे उमेर हदबन्दी लागू भएपछि विद्यार्थी नेतृहरुले मूल नेतृत्वमा दाबी गरेका हुन्। पार्टीका तीन समूहमा रहेका चार विद्यार्थी नेतृहरुले आआफ्नो दाबी प्रस्तुत गरेका छन्।
_x000D_
_x000D_
कांग्रेस संस्थापन पक्षको नजिक रहेकी अम्बिका चलाउनेले सभापतिको दाबी गरेकी छन्। चलाउने संघकी सहमहामन्त्री पनि हुन्। उनि अछामस्थित पञ्चदेवल नगरपालिकाकी उपमेयर पनि हुन्।
_x000D_
_x000D_
पौडेल समूहबाट पुनम लामाले पनि संघको सभापतिको लागि दाबी गरेकी छन्। लामा संघको केन्द्रीय सदस्य हुन्।
_x000D_
_x000D_
कांग्रेसको तेस्रो धारका रुपमा परिचित समूहबाट निमा गिरी र जानुका पन्तको नाम चर्चामा आएको छ। गिरी ११औं महाधिवेसनमा कोषाध्यक्षमा पराजित विद्यार्थी नेतृ हुन्। पन्त वर्तमान कार्य समितिमा विद्यार्थी नेतृमा सबैभन्दा सक्रिय विद्यार्थी नेतृका रुपमा परिचित छन्।
_x000D_
_x000D_
प्युठान निवासी गिरी महासमिति सदस्यको साथै त्रिविको नेविसंघ इकाइको उपाध्यक्षको भूमिका निर्वाह गरिसकेकी छन्। गिरी अनुसन्धान र सामाजिक अभियन्ता पनि हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
