वासिङ्टन डिसी– अमेरिकी राष्ट्रपति डोनाल्ड ट्रम्पले इरानी जनता र सुरक्षा बलहरूलाई आफ्नो देशको धार्मिक नेतृत्व अन्त्य गर्न आह्वान गरेका छन् ।
उनले शनिबार भिडियो सन्देशमा भने, ‘जब हामीले आफ्नो काम सक्नेछौँ, तपाईंहरू आफ्नो सरकार कब्जा गर्नुस् । यो तपाईंको पुस्ताका लागि सम्भवतः एक मात्र मौका हुनेछ ।’
साथै, ट्रम्पले इरानी सुरक्षा बलका सदस्यहरूलाई हतियार राखेबापत उनीहरूलाई रक्षाको ग्यारेन्टी दिइने होइन भने निश्चित मृत्युको सामना गर्नु पर्ने चेतावनी दिएका छन् ।
जनता र मानवअधिकार समूहका अनुसार जनवरीको सुरुवाती दिनहरूमा इरानी सुरक्षा बलहरूले देशव्यापी विरोध प्रदर्शनमा कडा कारबाही गर्दै कम्तीमा ६ हजार ४८० जनाको मृत्यु गराएको थियो ।
ट्रम्पले त्यसबेला जिम्मेवारहरूले ठुलो मूल्य तिर्नुपर्ने चेतावनी दिएका थिए र प्रदर्शनकारीहरूलाई सहायता आइरहेको बताए । तर केही दिनपछि राष्ट्रपति ट्रम्पले इरानी सरकारबाट हत्या रोकिने सुनिश्चितता पाएको जानकारी दिए र आफ्नो ध्यान देशको आणविक कार्यक्रमतर्फ मोडिएको उल्लेख गरे ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772271039.png)
-1764146706.png)
