काठमाडौं– अमेरिका–इजरायल संयुक्त सैन्य आक्रमणपछि इरानले पनि फायर खोलेको छ । इजरायलका साथै मध्य पूर्वमा रहेका अमेरिकी बेसहरुलाई इरानले आक्रमण गरिरहेको छ ।
समाचार एजेन्सी रोयटर्सका अनुसार भर्खरै इरानले यूएईको राजधानी अबुधाबीमा आक्रमण गरेको छ । अमेरिकी सैन्य बेसलाई लक्षित गरी आक्रमण गरिएको अन्तर्राष्ट्रिय सञ्चार माध्यमहरुले बताएका छन् ।
यस्तै बहराइनमा रहेको सैन्य बेसमा पनि आक्रमण भएको छ । यूएईमा अमेरिकाको अल दाफ्रा बेस रहेको छ ।
अमेरिकाले इरानविरुद्धको आक्रमणलाई एपिक फूरी नाम दिएको छ । यसको अर्थ निकै जबरदस्त र भयंकर आक्रोश भन्ने हुन्छ ।
यता यमनमा इरान समर्थित हुथी विद्रोहीले इजरायलमा ड्रोन आक्रमण सुरु गर्ने निर्णय गरेको छ । इजरायलका नागरिकहरु बंकरमा शरण लिइरहेका छन् । यस्तै इरानी मिसाइलले साउदी अरेबिया र जोर्डनमा पनि आक्रमण गरेको बताइएको छ ।
कुवेतमा पनि इरानले आक्रमण गरेको छ । इरानले एकैसाथ करिब आधा दर्जन बढी देशमा आक्रमण गरेको छ । खाडी मुलुकका हवाई सेवाहरु बन्द गरिएका छन् । आक्रमणका खबरहरु आए पनि मानवीय क्षतिबारे अहिलेसम्म कुनै विवरण आइसकेको छैन ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772271039.png)
-1772265554.png)
-1764146706.png)
