एजेन्सी– युरोपेली संघ (ईयू) का एक उच्च अधिकारीले पूर्वी डेमोक्रेटिक रिपब्लिक अफ कंगोमा विनाशकारी मानवीय संकटको चेतावनी दिएका छन्।
विद्रोही नेताले तुरुन्तै खण्डन गर्दै सरकार नियन्त्रित क्षेत्रहरूमा सबैभन्दा खराब अवस्था रहेको आरोप लगाएकी छिन्। युरोपेली आयुक्त हाद्जा लाहबिब, जो समानता, तयारी र संकट व्यवस्थापनकी कमिसनर हुन्। उनले गोमा शहरमा भ्रमण गर्दै यो चेतावनी दिएकी थिइन् ।
गोमा मार्च २३ मुभमेन्ट विद्रोही समूहको नियन्त्रणमा छ । उनको यो भ्रमण किनशासा, वाण्डा र बुरुन्डीको क्षेत्रीय भ्रमणको क्रममा भएको थियो। यो भ्रमणको समयमा इयुले यस हप्ता ग्रेट लेक क्षेत्रमा, विशेष गरी पूर्वी कंगोमा द्वन्द्व पीडितहरूका लागि ८१.२ मिलियन युरो (लगभग ८८ मिलियन अमेरिकी डलर) मानवीय सहायता जारी गर्ने घोषणा गरेको थियो।
लाहबिबले पत्रकारहरूसँग कुरा गर्दै किनशासादेखि किगाली, बुजुम्बुरा र अब गोमासम्म, आफ्नो एउटै सन्देश रहेको र मानवीय कानूनको सम्मान गर्नुपर्ने बताए। उनले मानवीय कार्यकर्ताहरूलाई आफ्नो काम गर्न दिनुपर्ने बताउँदै भूगोलमा अन्तर्राष्ट्रिय मानवीय कानूनको स्पष्ट उल्लंघन बढेको प्रतिक्रिया दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771592819.png)
