काठमाडौं– राप्रपा प्रवक्ता ज्ञानेन्द्र शाहीले जुम्लामा आफ्नो उम्मेदवारी कुनै पार्टी र व्यक्तिविरुद्ध नभएको बताएका छन्।
रास्वपाकी उम्मेदवार विनिता कठायतले रवि लामिछाने र बालेन शाह मेरो साथी हुन्’ शाहीले भोट मागेको आरोप लगाएपछि उनले यस्तो बताएका हुन्।
एक भिडिओ सन्देश जारी गर्दै शाहीले भनेका छन्, ‘मेरो उम्मेदवारी कुनै दलका विरुद्ध, कुनै पार्टीका विरुद्ध र कुनै व्यक्तिका विरुद्धमा होइन। मेरो उम्मेदवारी त केन्द्र सत्ताले सधैँ जुम्लाका प्रतिनिधिलाई सम्झिने र गर्ने दास व्यवहार र दास प्रथाका विरुद्धमा हो। त्यसैले हामीले एउटै टेबलमा बसेर, एउटै कपमा चिया खाएर जुम्ली जनताको आशीर्वाद ग्रहण गर्नु नै हाम्रो परम कर्तव्य हो।’
प्रजातान्त्रिक प्रक्रियालाई अभ्यास गर्दै, प्रजातान्त्रिक प्रक्रियालाई अवलम्बन गर्दै चुनावी माहोलमा होमिनु र जुम्ली जनताको आशीर्वाद थाप्नु आफ्नो कर्तव्य भएको बताएका छन्।
उनले थपेका छन्, ‘कुनै दल र कुनै व्यक्तिका विरुद्धमा भ्रामक प्रचार, गलत चरित्र र चरित्रहीन कामहरू गर्नु र गलत प्रचारप्रसार गर्नुले हामी व्यक्तिको मात्र चरित्रमाथि दाग लाग्ने कुरा होइन। यसले संसारभरि छरिएर रहेका नेपालीले जुम्लालाई र जुम्ली जनतालाई हेर्ने दृष्टिकोणमाथि पनि असर पर्दछ।’
जुम्लाको मान, सम्मान, इज्जत, प्रतिष्ठा, यहाँको खस मस्टो संस्कृति, परम्परा र खस सभ्यता जुम्लाको सम्पत्ति भएको उल्लेख गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_3anZTthbso-1766484950.jpg)
-1764146706.png)
-1777595787.png)
