वासिङ्टन डिसी । शक्तिशाली हिमआँधीका कारण अमेरिकाको जनजीवन नराम्ररी प्रभावित भएको छ। टेक्ससदेखि न्यू इङ्गल्याण्डसम्म फैलिएको यो आँधीका कारण १० लाखभन्दा बढी घरमा विद्युत् आपूर्ति बन्द भएको छ भने अहिलेसम्म लुजियाना र टेक्ससमा गरी कम्तीमा तीन जनाको मृत्यु भएको पुष्टि भएको छ।
राष्ट्रिय मौसम सेवाले हिउँ, बरफ र ठिहिर्याउने वर्षाका कारण आगामी केही दिनसम्म अवस्था जीवनकै लागि घातक हुन सक्ने चेतावनी दिएको छ।
आँधीका कारण यातायात क्षेत्रमा ठूलो असर परेको छ। अहिलेसम्म १० हजारभन्दा बढी उडानहरू रद्द भएका छन् भने सडकहरूमा हिउँ र बरफ जमेका कारण यात्रा असुरक्षित बनेको छ। भर्जिनिया राज्यमा मात्रै २०० भन्दा बढी सवारी दुर्घटनाहरू रिपोर्ट गरिएका छन्। अमेरिकाको आधाभन्दा बढी जनसङ्ख्या अर्थात् करिब १८ करोड मानिस यो प्रतिकूल मौसमबाट प्रत्यक्ष प्रभावित हुने अनुमान गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
