तेहरान– इरानको विभिन्न ठाउँमा भइरहेका सरकारविरोधी प्रदर्शनका कारण टर्कीयको राजधानी इस्तानबुलबाट तेहरान जाने एक फ्लाइट क्यान्सिल भएको छ ।
बीबीसी फारसीका अनुसार यस फ्लाइटका यात्रीले उनको विमानलाई अवतरणका लागि अनुमति नदिइएको बताएका छन् । यस्तै तबरीज र इस्फहान जाने फ्लाइटको पनि मार्ग परिवर्तन गरिएको छ ।
इरानमा १२ दिनदेखि भइरहेको प्रदर्शनका क्रममा तेहरानका कैयौं संरचनाहरुमा आगो लागेको छ । बीबीसी फारसीले पुष्टि गरेको भिडियो फूटेजहरुमा इरानको राजधानी तेहरानमा लागेको आगो देखिन्छ । सरकार विरुद्धको प्रदर्शन अब देशभर फैलिएको छ ।
मानवअधिकार समूहका अनुसार इरानी मुद्रा कमजोर भएपछि निराश जनता देशका ३१ प्रान्तमा प्रदर्शनमा उत्रिएका थिए । तर अब सत्ता परिवर्तनका लागि त्यहाँका जेन–जी हरुले प्रदर्शन गरिरहेका छन् । अहिलेसम्म ४६ जना प्रदर्शनका क्रममा मारिएका छन् भने २ हजार बढी पक्राउ परेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1767959997-1767968077.jpg)
-1764146706.png)
