काठमाडौँ– उत्तरी अफगानिस्तानको तखर प्रान्तमा सुन खानीको कामलाई लिएर स्थानीय बासिन्दा र खानी कम्पनीका कर्मचारीबीच भएको झडपमा केही व्यक्तिको मृत्यु भएको तालिबान अधिकारीले पुष्टि गरेका छन्।
खानी तथा पेट्रोलियम मन्त्रालयका प्रवक्ता हुमायूँ अफगानका अनुसार चाह अब जिल्लामा भएको झडपले मानवीय र आर्थिक दुवै प्रकारको क्षति पुगेको छ।
मन्त्रालयको प्रतिनिधिमण्डललाई घटनास्थलमा अनुसन्धानका लागि पठाइएको छ।
स्थानीय बासिन्दाहरूका अनुसार अन्य प्रान्तका खानी मजदुरहरूले पिउने पानीको आपूर्ति गर्ने क्षेत्र नष्ट गरेपछि उनीहरूले ढुंगा र लाठीको प्रयोग गरी विद्रोह गरेका थिए। यस झडपमा धेरै मानिस मारिएका छन् भने खानी मजदुरहरू भागेका छन्।
अफगानिस्तानले सुनसँगै संगमरमर, खनिज, रत्न र कोइला खानीमा ठुलो स्रोत पाएको छ। सन् २०१० र २०१३ को अमेरिकी र संयुक्त राष्ट्रसंघीय मूल्यांकनअनुसार देशको भू–सम्पत्तिको अनुमानित मूल्य १० खर्ब डलर रहेको थियो।
तालिबान सरकारले देशमा सुरक्षा पुन:स्थापना गर्ने वाचा गर्दै अफगानी र विदेशी लगानीकर्तालाई भूमिगत सम्पत्ति दोहन गर्न र राजस्व प्रवाह सुनिश्चित गर्न आग्रह गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1767836232.jpg){kind=logo}
-1767836079.png)
-1764146706.png)
-1767770856.png)
