काठमाडौं– नेकपा एमालेको ११औँ महाधिवेशनमा वरिष्ठ उपाध्यक्ष ईश्वर पोखरेलको अवधारणापत्रमा छलफल नहुने भएको छ ।
तर, पोखरेलको उक्त दस्ताबेज बन्दसत्र हलमा वितरण गर्न समय भने दिइने छ । साथै ईश्वर पोखरेलले उम्मेदवारी दिएमा त्यसवेला प्रस्तावबारे बोल्न दिने पनि सहमति भएको एमाले सचिव योगेश भट्टराईले जानकारी दिए ।
नेता पोखरेलले केही दिन अघि पार्टीको लोकतान्त्रिकरण, विद्या भण्डारीको सदस्यता लगायतका विषय समेटेर अध्यक्ष केपी शर्मा ओलीलाई अवधारणापत्र बुझाएका थिए ।
साथै सचिवालय बैठकले हालको सचिवालयलाई नै महाधिवेशन आयोजक समितिमा रूपान्तरण गर्ने भएको छ ।एमालेको महाधिवेशन शनिबार भक्तपुरको सल्लाघारीमा उद्घाटन हुँदैछ । बन्दसत्र भने काठमाडौँको भृकुटीमण्डपमा हुनेछ ।
एमाले अध्यक्षमा केपी शर्मा ओली र ईश्वर पोखरेलबिच प्रतिस्पर्धा हुने देखिएको छ । यद्यपि सहमतिको प्रयास पनि गर्दै जाने नेताहरूले बताएका छन् ।
महाधिवेशनमा विद्युतीय मेसिनमार्फत मतदान गर्ने एमालेले तयारी गरेको छ । महाधिवेशन बिहान ११ बजे उद्घाटन गर्ने एमालेले जनाएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1765528419.png)
-1763721444.png)
-1765273665.jpg)
