काठमाडौँ – प्रधानमन्त्री सुशीला कार्कीले आज साँझ ५ बजे सिंहदरवारस्थित प्रधानमन्त्री तथा मन्त्रिपरिषद्को कार्यालयमा बैठक बोलाएकी छिन्। बैठकमा मन्त्रालयहरूले पेस गरेका नियमित प्रस्तावसँगै केही महत्त्वपूर्ण विषयमा निर्णय हुने जनाइएको छ।
प्रशासन सिंहदरबार विशेष ब्यूरो स्रोतका अनुसार आजको बैठकले न्याय सेवातर्फका केही सहसचिवको सरुवा गर्न सक्ने जनाइएको छ। साथै, प्रशासनतर्फ रिक्त एक सचिव पदमा बढुवा हुने पनि बताइएको छ।
त्यसैगरी उखुको न्यूनतम खरिद मूल्य निर्धारणसँगै केही कार्यालय तथा निकायहरूको संगठन संरचना तथा दरबन्दी तेर्स्याउने प्रस्ताव पनि अनुमोदन हुने सम्भावना रहेको स्रोतले जनाएको छ।
साथै, आजको बैठकमा नेपाली सेनातर्फ विशेष बढुवासम्बन्धी प्रस्ताव समेत छलफलमा आउने जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
