काठमाडौँ – नेपाली कम्युनिष्ट पार्टीका सहसंयोजक माधवकुमार नेपालले आफूहरू देशको हित कसरी गर्ने भन्नेमा केन्द्रित रहेको दावी गरेका छन्।
आइतवार पोखरामा आयोजित सन्देश सभालाई सम्बोधन गर्दै उनले यस्तो दाबी गरेका हुन्। उनले नेपाली कम्युनिष्ट पार्टीका उद्देश्य देश जोगाउने, स्वाभिमानको रक्षा गर्ने, देश हितका काम गर्ने रहेको बताए।
उनले आफूहरू देशभक्त नेपाली रहेको भन्दै त्यसमा गौरव गर्नुपर्ने बताए। देशको रक्षा गर्ने जिम्मेवारी कुनै विदेशी चाकडी गरेर र उनीहरूसँग लड्न गएर नहुने बताए। नेपालको मामिलामा कसैले हस्तक्षेप गर्न नहुने र नेपालको भूमि कसैका लागि प्रयोग गर्न नदिने कुरामा ध्यान दिनुपर्ने बताए।
नेता नेपालले भने, ‘हामीले जुन उद्देश्य राखेका छौँ‚ त्यसलाई जोगाउने, स्वाभिमानको रक्षा गर्ने र देशको हित कसरी गर्ने भन्नेमा केन्द्रित छ। त्यसो भएको हुनाले हामी देशभक्त नेपाली हौँ भन्ने कुरामा गौरव बोध गर्नुपर्छ। देशको रक्षा गर्ने जिम्मेवारी कुनै विदेशीको चाकडी गर्ने पनि होइन। उनीहरूसँग लड्न जाने पनि होइन। हाम्रो मामिलामा कसैले हस्तक्षेप नगरोस्। नेपालको भूमि कसैका लागि प्रयोग गर्ने काम नगरोस्।’
सहसंयोजक नेपालले पोखरा पर्यटनको निम्ति उर्वर भूमि भएको बताए। उनले सांस्कृतिक, ऐतिहासिक धरोहर पोखरा रहेको पनि बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764508750.jpg)
-1764146706.png)
-1763721444.png)
-1763559424.jpg)
-1764080971.png)
