काठमाडौँ– नेपाली कांग्रेसको पन्ध्रौं महाधिवेशन पुसको अन्तिम साता गर्नेगरी केन्द्रीय समितिमा प्रस्ताव लाने तयारी गरिएको छ।
कार्यबाहक सभापति पूर्णबहादुर खड्का, महामन्त्रीद्वय गगन थापा र विश्वप्रकाश शर्मा, नेता रमेश लेखक र प्रचार विभाग प्रमुख मीन विश्वकर्मासहित आइतबार भएको छलफलमा पुसको अन्तिम साता महाधिवेशन गर्नेगरी प्रस्ताव ल्याउने बताइएको हो।
केन्द्रीय सदस्यहरू लक्ष्मी खतिवडा, जितजंग बस्नेत, गुरु बराल, डा. रणबहादुर रावल, रुपा बिक, चन्द्र केसीलगायत २० बढी केन्द्रीय सदस्यहरू बिहान महाराजगञ्जस्थित निवासमा पुगेका थिए। भेटमा देउवाले पार्टी फुट्नु भन्दा मिलाउन पुसमा १५ औँ महाधिवेशन गर्ने कार्यतालिका ल्याउने बताएका थिए। त्यसको जवाफमा केन्द्रीय सदस्यहरूले आफूहरू निर्वाचन अगाडि नियमित महाधिवेशन गर्न तयार रहेको तर विशेष महाधिवेशनको माग गर्दै बुझाइएको हस्ताक्षर फिर्ता गर्नुपर्ने सर्त अघि सारेका थिए।
त्यसमा देउवाले आफू पार्टी एकढिक्का हुने गरी मिलाउन लागिरहेको बताएको भेटमा सहभागी एक नेताले जानकारी दिए।
महाधिवेशनबारे सहमति जुट्न नसक्दा कांग्रेस केन्द्रीय कार्यसमिति बैठक बस्न सकेको छैन। पटकपटक स्थगित हुँदै आएको बैठक भोलि (सोमबार) का लागि तय भएको छ।
इतर पक्षले भने महाधिवेशनको कार्यतालिका हेरेर थप विषय प्रष्ट्याउने बताएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764508750.jpg)
-1764146706.png)
-1763721444.png)
-1763559424.jpg)
-1764080971.png)
