काठमाडौँ– नेपाली काँग्रेसका सभापति शेरबहादुर देउवासँग कार्यवाहक सभापति पूर्णबहादुर खड्का, महामन्त्रीद्वय गगन थापा र विश्वप्रकाश शर्माले आज पनि छलफल गर्ने भएका छन् ।
महाधिवेशनसम्बन्धी विवाद समाधानका लागि सभापति देउवा, कार्यवाहक सभापति खड्का र महामन्त्रीद्वय थापा तथा शर्मा आज तेस्रो दिन पनि छलफल गर्न लागेका हुन् ।
उनीहरूबीच आज दिउँसो २ बजे सभापति देउवा बस्दै आएका महाराजगन्जस्थित निवासमा छलफल हुने तय भएको छ । देउवाले बिहिबारदेखि नै निरन्तर खड्का र महामन्त्रीद्वयसँग छलफल गरिरहेका छन्। यद्यपि कुनै सहमति जुट्न सकेको छैन।
हिजोको छलफलमा चुनावअघि महाधिवेशनको विपक्षमा उभिएका आफूनिकट नेताहरू कृष्णप्रसाद सिटौला र विमलेन्द्र निधिलाई पनि बोलाएर छलफल गरेका थिए।
महाधिवेशनको मितिमा सहमति नजुट्दा काँग्रेसको केन्द्रीय समिति बैठक पटक पटक सार्दै आइरहेको छ। अब अर्को बैठक भोलि आइतबार दिउँसो २ बजेका लागि बोलाइएको छ।
महाधिवेशन चुनावअघि वा पछि गर्नेमा काँग्रेसमा विवाद छ। अर्कोतर्फ, ५४ प्रतिशत महाधिवेशन प्रतिनिधिको मागको आधारमा विशेष महाधिवेशन गर्नुपर्ने लिखित प्रस्ताव गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764394221.png)
-1764146706.png)
-1763721444.png)
-1763559424.jpg)
-1764080971.png)
