काठमाडौँ– सञ्चार तथा सूचना प्रविधिमन्त्री जगदीश खरेलले सबै राजनीतिक दलहरू निर्वाचनका लागि तयार भइसकेको बताएका छन्।
मंगलवार एमालेले पनि निर्वाचन आयोगमा दल दर्ताका लागि निवेदन दिएपछि उनको यस्तो प्रतिक्रिया आएको हो।
मन्त्रिपरिषद् बैठकमा निर्णयहरू सार्वजनिक गर्ने क्रममा सञ्चारकर्मीहरूले राखेका जिज्ञासाको जवाफ दिने क्रममा मन्त्री खरेलले अब निर्वाचन हुँदैन कि भन्ने आशंका गर्ने ठाउँ नरहेको बताए।
उनले निर्वाचनका लागि राजनीतिक दलहरूका तर्फबाट माहोल बनिसकेको र सरकारले पनि आवश्यक सुरक्षा योजना बनाएर कार्यान्वयन गर्नतर्फ केन्द्रित भएको स्पष्ट पारे।
मन्त्री खरेलले भने, ‘निर्वाचन आयोगले आफ्नो काम धमाधम अगाडि बढाएको छ। प्रायः सबै राजनीतिक दल निर्वाचन आयोगमा दर्ता भइसकेका छन्। हामी निर्वाचनको विरोधी होइनौँ भनिरहेका छन्। सुरक्षाको वातावरण बनाउन भनिरहेका छन्।’
त्यस अवसरमा मन्त्री खरेलले प्रधानमन्त्री सुशीला कार्कीले जेनजी आन्दोलनको मर्म र भावनानुसार आफूलाई अघि बढाएको दाबी गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764072221.png)
-1763721444.png)
-1763559424.jpg)
-1763559424.jpg)
