काठमाडौँ– पूर्वमन्त्री तथा प्रगतिशील लोकतान्त्रिक पार्टी (प्रलोपा) का नेता सुदन किरातीले पुराना पार्टीका शीर्ष नेताहरूले आजको समयको ढुकढुकीलाई बुझ्न नसकेकाले नयाँ अभियान सुरु गरेको बताएका छन।
आइतबार राष्ट्रियसभा गृहमा आयोजना भएको पार्टी एकता सभालाई सम्बोधन गर्दै किरातीले ३७ वर्षसम्म नेतृत्वमा रहेकाले जेनजी विद्रोहलाई अस्वीकार गरी वृद्धाश्रम बनाएकोले विद्रोह गरेको जिकिर गरे।
‘२४० वर्षको राजतन्त्र ढाल्न सक्ने नेताहरू आफैँ भित्रका परिवारतन्त्र विरुद्ध पराजित भए। लोकतन्त्र नेतातन्त्र र नातातन्त्रमा रुपान्तरण भयो। लोकतन्त्रका लडेका नेताहरू भ्रष्टतन्त्रमा परिणत भयो। जेनजी युवाहरूको सडकमा रगतका टाटा सुक्न नपाउँदै प्रतिक्रान्तिको हुङ्कार हुन थालेको छ’, उनले भने– ‘हामीले महाभारतका यदुबंशीय सेना रोजेनौँ। हामीले बाबुराम, जनार्दन, राम कार्की र ओजस्वी भट्टराई जस्तो कृष्ण रोज्यौँ। हामीले लामो समयदेखि पार्टीभित्र पुस्तान्तरण र रूपान्तरणको मुद्दा उठायौँ। तर ती ठुला पार्टीका नेताहरूले हाम्रा मुद्दालाई वृद्धाश्रम खोल्नुभयो।’
नले आफूहरुले केबल एक थान पार्टी मात्र नबनाउने बताए।
‘केबल एक थान पार्टी मात्र बनाउने छैनौं, हामीले एउटा नाङ्लो पसल खोल्नु छैन,’ तत्कालीन माओवादी केन्द्रका नेता किराँतीले भने, ‘पार्टीको मञ्चमा बस्ने एउटा स्वामी र स्वामीका हजार–हजार हजार भक्तहरूलाई निर्माण गर्नु छैन।’
जेनजी विद्रोहपछि पनि प्रतिक्रान्तिको आवाज गुन्जिन थालेको भन्दै उनले फेरि पनि विदेशी षड्यन्त्र देख्नु विडम्बना भएको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763721444.png)
-1763559424.jpg)
-1763559424.jpg)
