काठमाडौं– नेकपा एमालेको सचिवालय बैठक सुरु भएको छ।
अध्यक्ष केपी शर्मा ओलीको निवास गुण्डुमा केही बेरअघिबाट बैठक बसिरहेको छ।
बैठकको मूल एजेण्डा महाधिवेशको तयारी र जनपरिचालन रहेको प्रचार विभाग प्रमुख राजेन्द्र गौतमले बताए।बैठकले महाधिवेशनको क्यालेन्डर, प्रतिनिधि चयनको मोडालिटीसहित व्यवस्थापन र निर्वाचन तालिकाबारे बैठकले निर्णय गर्नेछ ।
यसपटकको महाधिवेशनमा करिब २२ सय प्रतिनिधि चयन हुनसक्ने प्रारम्भिक अनुमान छ । सौराहाको १०औं महाधिवेशनमा आयोजकसहित १९ सय हाराहारीमा प्रतिनिधि थिए ।
गौतमका अनुसार एमालेमा अहिले ६ लाख ६३ हजार संगठित सदस्य कायम छ । १० औंमा एक हजार सदस्य बराबर ३ जना रहेकोमा यसपटक सदस्य संख्या बढेकाले १२ सयको अनुपातमा ३ जना प्रतिनिधि छनोट हुन सक्ने खाका बनाइएको छ ।
त्यस्तै संसद पुनस्स्थापनाको मूल एजेन्डासहित जनपरिचालनसम्बन्धी अर्को एजेण्डामा सचिवालयमा छलफल हुनेछ । सरकारले शान्तिपूर्ण र निष्पक्षरूपमा चुनाव गराउने ग्यारेन्टी नगरेसम्म चुनाव सम्भव नभएको भन्दै एमालेले प्रतिनिधिसभा पुनस्र्थापनालाई जोड दिएको छ ।
यस्तै बैठकमा हिजो पार्टी अध्यक्ष केपी ओलीले विगतमा पार्टी छाडेर गएकाहरुलाई घर फर्किन भन्दै गरेको आह्वानको विषयमा पनि छलफल हुने जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
