काठमाडौं– संसद् विघटन विरुद्धको मुद्दामा सर्वोच्च अदालतको संवैधानिक इजलासमा बहस सुरु भएको छ।
प्रतिनिधिसभा विघटन विरुद्धका रिटमाथि सुनुवाइ गर्न आजै संवैधानिक इजलास गठन भएको छ।
जेनजी आन्दाेलनपछि बनेकाे अन्तरिम सरकारको सिफारिसमा राष्ट्रपति रामचन्द्र पौडेलले गत २७ भदौमा प्रतिनिधिसभा विघटन गरेका थिए। त्यसविरुद्ध सर्वोच्च अदालतमा रिट परेको हाे, जसमाथि बुधबारबाट संवैधानिक इजलासमा सुनुवाइ सुरु भएकाे हाे। बहसकर्तालाई पाँच/पाँच मिनेटकाे समय दिइएको छ।
प्रतिनिधिसभा विघटनविरुद्ध कानुन व्यवसायीहरू किर्तीनाथ शर्मा पौडेल, खडकबहादुर शाह, विपिन ढकाल, आभाष पोखरेल, डा पुण्यप्रसाद खतिवडा र शेरबहादुर रोकाया, दलबहादुर धामी, विमल पोखरेल र प्रकाश भूजेलले रिट रिट दिएका छन्।
यस्तै आयुष बडाल, मकबुल मियाँ, डम्बरप्रसाद शिवाकोटी, आयुष भण्डारी, ओम प्रकाशजङ्ग शाह तथा युवराज पाैडेलले अन्तरिम सरकार गठन र प्रतिनिधिसभा विघटन असंवैधानिक रहेकाे जिकिर गर्दै रिट निवेदन दिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1761727729.jpg)
-1761726523.jpg)
