काठमाडौं– वेस्ट इन्डिजविरुद्ध यूएईमा जारी टि २० सिरिज अन्तर्गतको दोस्रो खेलमा नेपालले टस जित्दै पहिले ब्याटिङ रोजेको छ । शारजहाँ क्रकेट मैदानमा कप्तान रोहित कुमार पौडेलले वेस्टइन्डिज टिमलाई फिल्डिङको निम्तो दिएका हुन् ।
सिरिज अन्तर्गत पहिलो खेल जितेको नेपाल दोस्रो खेल पनि लगातार जित्दै सिरिज आफ्नो नाममा पार्न चाहन्छ । यता वेस्टइन्डिज पनि कमब्याक गर्न चाहन्छ ।
यस्तै आज आदिल आलमको पुनरागमन भएको छ । लामो समयपछि उनको राष्ट्रिय टोलीमा अन्तर्राष्ट्रिय खेलका लागि पुनरागमन भएको हो । पहिलो खेलमा नन्दन यादव घाइते भएपछि अलराउन्डर आदिल आलमलाई टिममा समावेश गरिएको हो ।
आज नेपालले आदिल बाहेक अरु परिवर्तन गरेको छैन । आजको खेलमा पनि सन्दीप लामिछाने समावेश छैनन् । पहिलो खेलमा व्यक्तिगत कारणले उपलब्ध नभएका सन्दीप आज पनि टिममा छैनन् ।
अन्य खेलाडीहरु भने पहिलो खेलकै समावेशहरु छन् ।
यस्तो छ प्लेइङ ११
रोहितकुमार पौडेल, दीपेन्द्र सिंह ऐरी, कुशल भुर्तेल, आशिफ शेख, कुशल मल्ल, सन्दीप जोरा, गुलशन झा, ललित राजवंशी, सोमपाल कामी, करण केसी र आदिल आलम अन्सारी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
