काठमाडौं– चिर प्रतिद्वन्द्वी पाकिस्तानलाई फराकिलो अन्तरले हराउँदै भारतले एसिया कपको उपाधि जितेको छ ।
फाइनल खेलमा भारतले पाकिस्तानलाई ५ विकेटले हराउँदै भारतले उपाधि आफ्नो नाममा पारेको हो ।
दुबई अन्तर्राष्ट्रिय क्रिकेट मैदानमा पाकिस्तानले दिएको १४७ लक्ष्य पछ्याएको भारतले १९ ओभर ४ बलमा ५ विकेट गुमाउँदै लक्ष्य पूरा गरेको हो ।
भारतका लागि तिलक बर्माले ६९ रनको अर्धशतकीय पारी खेले । ५३ बल खेलेका उनले ३ चौका र ४ छक्का प्रहार गरे ।
त्यस्तै शुभम दुवेले ३३ रन बनाउँदा सन्जु श्यामसनले २४ रनको योगदान गरे ।
पाकिस्तानका लागि फाइम अस्रफले तीर्न विकेट लिए । त्यस्तै शाहिन्सा अर्फिदी र अब्रार अहमदले एक–एक विकेट लिए ।
यसअघि टस हारेर पहिले ब्याटिङ गरेको पाकिस्तानले १९ ओभर १ बलमा सम्पूर्ण विकेट गुमाउँदै १४६ रन बनाएको थियो ।
पाकिस्तानका लागि सहिबजादा फ्रहानले ५७ रनको अर्धशतकीय पारी खेले । ३८ बल खेलेका उनले ५ चौका र ३ छक्का प्रहार गरे ।
त्यस्तै फकर जमानले ४६ रन बनाउँदा साइम अैयुवले १४ रन बनाउनु बाहेक अन्य ब्याटरले दोहोरो अंकमा रान जोड्न सकेनन् ।
बलिङतर्फ भारतका लागि कुलदीप यादवले सर्वाधिक चार विकेट लिए । उनले ४ ओभरमा ३० रन खर्चे । त्यस्तै जसप्रित भुमराह, वरुण चक्रवर्ती र अक्षर पटेलले दुई दुई विकेट लिए ।
भारतीय टिमले एसिया कपको उपाधि लगातार दोस्रोटपटक जितेको छ । सन् २०२३ मा एक दिवसीय प्रणालीमा श्रीलंकालाई हराएको भारतले यसपाली चीर प्रतिद्वन्द्वी पाकिस्तानलाई फाइनलमा हराउँदै उपाधि जितेको हो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
