काठमाडौँ– नेकपा माओवादी केन्द्रका अध्यक्ष प्रचण्डले आगजनीमा परेको पार्टी केन्द्रीय कार्यालयको अवलोकन गरेका छन्।
आगजनीबाट कार्यालयमा रहेको पुस्तकालय भने बचेको छ। साथै कार्यालयका कम्प्युटर समेत सुरक्षित रहेको बताइएको छ।
-1758006191.jpg)
त्यस्तै प्रचण्ड पार्टीको काममा फर्किएका छन्। क्षतिग्रस्त पार्टी कार्यालयको अवलोकनपछि धेरै क्षति पुगेको भन्दै अब छिट्टै नयाँ भवन बनाउने बताए।
उनले भने, ‘पार्टी कार्यालयमा ठुलो क्षति भएको देख्यौँ। तर पार्टीको माइन्युटहरु बचेको भन्ने कुरा सुनेँ। केही कम्प्युटर र लाइबेरी पनि बचेको रहेछ। त्यो बचाउन भूमिका खेल्ने साथीहरूलाई धन्यवाद दिन्छु। युवा साथीहरूले दुई दिनमै सफाइ गरिसक्नुभएको रहेछ। क्षति पुग्यो अब पार्टीको नयाँ कार्यालय भवन सिङ्गो पार्टीपंक्तिको सहयोगमा बनाइनेछ।’
भदौ २३ र २४ को जेनजी आन्दोलनले उग्र रूप लिएपछि प्रचण्ड सेनाको सुरक्षामा थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1698923325.jpg)
