काठमाडौं– तरकारी फलफूल बीउबेर्ना लगायतका कृषिजन्य उत्पादन एक स्थानबाट अर्को स्थानसम्म ढुवानीमा सहयोग गरिदिन कृषि विभागले आग्रह गरेको छ ।
ढुवानीको क्रममा राजमार्गमा सिर्जित समस्याले कृषक/कृषि उद्यमी एंव कृषि व्यवसायीबाट गुनासो आएकाले ओसारपसारमा सहजीकरण गरिदिन विभागले आग्रह गरेको हो ।
‘अति सम्वेदनशील तथा नाशवान कृषि उत्पादन निर्धारित समयभित्र गन्तव्यमा पुर्याउनुपर्छ । अन्यथा नष्ट हुने र यसले मुलुकको समग्र खाद्य सुरक्षामा समेत प्रभाव पार्नसक्ने देखिन्छ,’ विभागका महानिर्देशक प्रकाशकुमार सन्जेलले जारी गरिएको विज्ञप्तिमा भनिएको छ, ‘सर्वसाधारण किसानको हितलाई मध्यनजर गर्दै कृषिवस्तुहरु निर्वाध रुपमा ओसारपसार तथा ढुवानीका लागि आवश्यक सहयोग तथा सहजीकरणका लागि अनुरोध छ ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
