काठमाडौँ– नेपाल बीमा प्राधिकरणको सञ्चालक समितिको अध्यक्षका लागि आवेदन आह्वान भएको छ।
प्राधिकरणको अध्यक्ष छनोट गर्न गठित सिफारिस समितिले शनिबार यस्तो आवेदन आह्वान गरेको हो।
बीमा ऐन २०७९ को दफा ८ (१) बमोजिम तोकिएको विषयमा स्नातकोत्तर उत्तीर्ण गरी कम्तीमा ५ वर्ष उच्च व्यवस्थापकीय अनुभव भएको व्यक्तिले अध्यक्षको लागि ७ दिनभित्र आवेदन दिन सक्नेछन्। यसअघिको आह्वानमा १५ दिनको व्यवस्था रहेकोमा यसपटक घटाइएको छ।
आवेदन दिन ३० वर्ष पूरा भई ६५ वर्ष ननाघेको व्यक्ति हुनुपर्ने व्यवस्था गरिएको छ।
गत सोमबार बसेको मन्त्रिपरिषद् बैठकले राष्ट्रिय योजना उपाध्यक्ष शिवराज अधिकारीसहित सदस्यको नेतृत्वमा अर्थ मन्त्रालयका सचिव र विज्ञको रुपमा डा. खोमराज खरेल रहेको सिफारिस समिति गठन गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
